Մաշտոց Հայրապետ եկեղեցի

Մաշտոց Հայրապետ եկեղեցի, կանգուն հայկական եկեղեցի է Հայաստանի Կոտայքի մարզի Գառնի գյուղում։ Անցյալում այստեղ եղել է հեթանոսական տաճար։

Մաշտոց Հայրապետ եկեղեցի
Հիմնական տվյալներ
Տեսակ	եկեղեցի և մշակութային արժեք
Երկիր	Հայաստան
Տեղագրություն	Գառնի
Դավանանք	Հայ Առաքելական Եկեղեցի
Թեմ	Կոտայքի թեմ
Հիմնական ամսաթվերը	12-րդ դար
Ներկա վիճակ	կանգուն
Կազմված է	Պարիսպ և Գերեզմանոց
Ժառանգության կարգավիճակ	մշակութային հուշարձան Հայաստանում
Ճարտարապետական ոճ	հայկական ճարտարապետություն
Հիմնադրված	12-րդ դար
Շինանյութ	տուֆ
Mashtots Hayrapet church Վիքիպահեստում

Գտնվում է Կոտայքի մարզի Գառնի գյուղի արևելյան կողմում։ Ըստ պահպանված արձանագրությունների` կոչվում է Սուրբ Աստվածածին։ Ավանդաբար անվանում են «ՄաշտոցՀայրապետ» եկեղեցի` 897 թվականին Գառնիում վախճանված Հայոց կաթողիկոս Մաշտոց Եղիվարդեցու անունով (Մաշտոցի տապանաքարը Գառնիի հեթանոսական տաճարի մոտ գտնվող «Մաշտոց Հայրապետ» մատուռի ներսում է)։ 14-րդ դարում կոչվել է նաև «Սումպենց (Սունպենց) վանք»։ 12-13-րդ դարերի կառույց է։ Այն  միանավ կենտրոնագմբեթ  է,  իսկ  արտաքինից`  քառակուսի։ Թմբուկը  ձևավորված  է որմնախորշերով,  վարդաքանդակներով և  շատ  լավ  է պահպանվել։ Չորս  պատերից  երեքի  վրա  արված  են երկու  երկար որմնախորշեր, իսկ  վերջինը`  մուտքը,  զարդարված  է  խաչքարով  և բուսանախշ որմնանկարներով: :Պատերին պահպանվել են 1315 և 1341 թվականների արձանագրություններ:Եկեղեցուն հարավից կից է նվիրատվական արձանագրություններով խաչքար-մահարձանը։ Բակում կան քանդակազարդ խաչքարեր։ Եկեղեցու մոտ, հարավային կողմում արձանագիր որմնափակ խաչքար է` կանգնեցված Հովհաննես և Աղվորիկ ամուսինների կողմից։

Պատկերասրահ

• 

Արտաքին հղումներ

• Տեսարժան վայրեր. Գառնի
• Սբ. Աստվածածին (Մաշտոց Հայրապետ, ՞Սումպենց վանք՞) եկեղեցի՝ պատկեր1 Արխիվացված 2018-02-14 Wayback Machine, պատկեր2 Արխիվացված 2018-08-24 Wayback Machine, պատկեր3 Արխիվացված 2016-10-25 Wayback Machine, Խաչքար Արխիվացված 2016-10-25 Wayback Machine, Տապանաքար Արխիվացված 2018-02-13 Wayback Machine

Վիքիպահեստն ունի նյութեր, որոնք վերաբերում են «Մաշտոց Հայրապետ եկեղեցի» հոդվածին։