Մայր Թերեզայի թանգարան

Մայր Թերեզայի թանգարան
Տեսակ	թանգարան
Երկիր	Հյուսիսային Մակեդոնիա
Տեղագրություն	Centar Municipality?
Հասցե	Ул. „Македонија“ бр. 9
Հիմնադրված է	2009
Այցելուներ	100 000 մարդ
Կայք	memorialhouseofmotherteresa.com/en/(մակեդ.)(ալբ.)(անգլ.)

Մայր Թերեզայի թանգարան (մակեդոներեն՝ Спомен-куќа на Мајка Тереза), մարդասեր, Խաղաղության Նոբելյան մրցանակի դափնեկիր Մայր Թերեզային նվիրված թանգարան-հուշահամալիր Մակեդոնիայում՝ իր հայրենի Սկոպյե քաղաքում, որտեղ նա ապրել է 1910-1928 թվականներին^[1]: Հուշահամալիրը կառուցվել է Մակեդոնիայի Սենտար շրջանի հայտնի փողոցում՝ նախկին հռոմեական կաթոլիկ եկեղեցու տեղում, որտեղ մկրտվել է Մայր Թերեզան^[2]: Թանգարանը գտնվում է Ռիստիկ պալատից և Մակեդոնիայի հրապարակից արևելք: Գործունեության առաջին երեք շաբաթների ընթացքում թանգարանն ունեցել է 12000 այցելու^[3]:

ԲացումԽմբագրել

Մայր Թերեզայի արձանը թանգարանի մոտ

Երկու միլիոն եվրո արժողությամբ հուշատուն-թանգարանը բացվել է 2009 թվականի հունվարի 30-ին: Բացման արարողությունը կատարել է Մակեդոնիայի վարչապետ Նիկոլա Գրուևսկին: Բացմանը ներկա են գտնվել օտարերկրյա պատվիրակություններ, Մակեդոնիայի Հռոմեական կաթոլիկ եկեղեցու և Մակեդոնիայի ուղղափառ եկեղեցու անդամներ: Թանգարանի բացումից մեկ շաբաթ առաջ Մակեդոնիայի արտաքին գործերի նախարար Անտոնիո Միլոշոսկին Մայր Թերեզայի՝ Կալկաթայում գտնվող գերեզմանի մոտ տեղադրել է հուշատախտակ, որտեղ գրված է.

Ի նշան երախտագիտության Մակեդոնիայի Հանրապետությունից և Սկոպյեի նրա համաքաղաքացիներից^[4]:

ՃարտարապետությունԽմբագրել

Թանգարանի կառուցման աշխատանքները սկսվել են 2008 թվականի մայիսին: Ծրագիրը ֆինանսավորել է Մակեդոնիայի կառավարությունը, իրականացրել է Մակեդոնիայի մշակույթի նախարարությունը: Այն Մայր Թերեզայի ծնված տան բազմաֆունկցիոնալ, ժամանակակից փոխակերպված, սակայն ծիսական բնույթի տարբերակն է: Տան ներսում պահպանվում են մասունքների մի մասը, որոնք Սկոպյե են փոխադրվել Սկոպյեի հռոմեական կաթոլիկ եկեղեցու աջակցությամբ, որի մասին Նիկոլա Գրուևսկին կանխավ պայմանավորվածություն էր ձեռք բերել^[5]: Թանգարանային հատվածում կա սրահ, որտեղ ներկայացված են Մայր Թերեզայի և նրա ընտանիքի անդամների քանդակները: Քանդակներից մեկում Մայր Թերեզան տասը տարեկան է՝ աղավնին ձեռքերում նստած մի քարի վրա: Թանգարան-հուշահամալիրում կազմակերպվում են նաև մշակութային ցուցադրություններ: Շենքում գործում է պատկերասրահ: Շենքի ճարտարապետն է Վանգել Բոժինսովսկին: