Մալչիշ-Կիբալչիշի հուշարձան

Մալչիշ-Կիբալչիշի հուշարձան (ռուս.՝ Памятник Мальчишу-Кибальчишу), հուշարձան Ռուսաստանի մայրաքաղաք Մոսկվայում, որը նվիրված է Արկադի Գայդարի հեքիաթի հերոս Մալչիշ-Կիբալչիշին։ Տեղադրվել է Վորոբյովի գորիում, Կոսիգինի փողոցի և Վերնադսկու պողոտայի խաչմերուկում, Մոսկվայի մանկական (պատանեկան) ստեղծագործության քաղաքային պալատի մոտ։

Մալչիշ-Կիբալչիշի հուշարձան
Մալչիշ-Կիբալչիշի հուշարձանը
Տեսակ	հուշարձան
Ճարտարապետ	Vladimir Kubasov?
Ստեղծում	1972
Երկիր	Ռուսաստան
Բնակավայր	Gagarinsky District?
Շինության ձև	Քանդակ
Ներկա վիճակ	Կանգուն
պատկերված են Malchish-Kibalchish?
Statue of Malchish-Kibalchish in Moscow Վիքիպահեստում

Նկարագրություն

Արձանի բարձրությունը 5 մետր է։ Մալչիշը պատկերված է շարժման մեջ, նա ոտաբոբիկ է, հագին կարճ շալվար է, պարզ շապիկ, գլխին բուդյոնովկա է, աջ ձեռքին սուր է, ձախին` շեփոր, և նա, կարծես, պատրաստվում է քայլ անել և կանչում է իր հետևից։ Պատրաստված է կռած պղնձից։

Հեղինակներն են քանդակագործ Վ. Կ. Ֆրոլովը և ճարտարապետ Վ. Ս. Կուբասովը։

Պատմություն

Հուշարձանը տեղադրվել է 1972 թվականի մայիսի 19-ին` ի պատիվ Լենինի անվան համամիութենական պիոներական կազմակերպության 50-ամյակի։

Մալչիշ-Կիբալչիշի հուշարձանը խորհրդային շրջանի խորհրդանիշներից մեկն է։ Սակայն այն արտացոլում է ոչ միայն այդ ժամանակաշրջանի արվեստը. այստեղ էլ կարելի է տեսնել և՛ խորհրդային իդեալները, և՛ երիտասարդների պատրաստակամությունը սխրանքների, և՛ խորհրդային ժողովրդի միասնության ուժը։ Այսօր այս հուշարձանը հետաքրքիր է ոչ միայն տարեց մարդկանց, որոնց համար դա ամբողջ դարաշրջանի իսկական խորհրդանիշն է։ Ժամանակաից երիտասարդության համար այս քանդակը կարող է ծառայել որպես բարոյական իդեալ և ավելի լավ հասկանալ պատերազմի ամբողջ ողբերգությունը և գնահատել պատերազմում հաղթանակած ժողովրդի սխրանքը։

Արտաքին հղումներ

• «Памятник Мальчишу - Кибальчишу». www.mosgid.ru. Վերցված է 2014 թ․ հուլիսի 20-ին.
• «Памятник Мальчишу - Кибальчишу». Сайте Прогулки по Москве. Վերցված է 2014 թ․ օգոստոսի 4-ին.

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Մալչիշ-Կիբալչիշի հուշարձան կատեգորիայում։