Մալգաշներ, ժողովուրդ, Մադագասկարի հիմնական բնակչությունը։

Թիվը՝ մոտ 7,9 միլիոն (1975)։ Խոսում են մալգաշերեն։ Մալգաշների մի մասը բողոքականներ են, մյուս մասը՝ կաթոլիկներ։ Պահպանվել են նաև հին հավատալիքների վերապրուկները (հատկապես՝ նախնիների պաշտամունքը)։ Ընդունված է մալգաշներին բաժանել մի քանի էթնիկական խմբերի, որոնցից առավել կարևորներն են իմերինան, բեցիլեուն, բեցիմիսարական, սակալական, անտանդրուին, անտանուսին։ XIX դարի վերջից մալգաշների զարգացումն ընթանում է կապիտալիստական ուղիով։ Առաջացել են տեղական բուրժուազիա, բանվոր դասակարգ և մտավորականություն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 153 CC-BY-SA-icon-80x15.png