Ճապկի մացառային
| Ճապկի մացառային | ||||||||||
|---|---|---|---|---|---|---|---|---|---|---|
| Գիտական դասակարգում | ||||||||||
|
||||||||||
| Լատիներեն անվանում | ||||||||||
| C. stolonifera Michx
|
Ճապկի մացառային (լատին․՝ C. stolonifera Michx), hոնազգիներ ընտանիքի, ճապկի ցեղի բույս։
Նկարագրություն խմբագրել
Տերևաթափ թուփ է` մինչև 2,5 մ բարձրությամբ, երկար դեպի ցած հակված, գետնի հետ շփվելիս` արմատակալող ճյուղերով։ Երիտասարդ ընձյուղները ծածկված են պառկած մազիկներով, ավելի ուշ` մերկանում են, վառ կարմիր, հազվադեպ` դեղին կամ գորշակարմիր գույն ունեն։ Միջուկը լայն է, սպիտակ։ Տերևադասավորությունը հակադիր է։ Տերևները ձվաձև են կամ երկարավուն-նշտարաձև, բոլոր անցողիկ ձևերով, 6—12 սմ երկարությամբ, աստիճանաբար սրվող գագաթով, կլորավուն հիմքով, վերևի կողմից` մուգ կանաչ, ներքևի կողմից` կապտավուն, ծածկված են շատ մանր, պառկած աղվամազով, 4—6 զույգ կողմնային շղերով։ Տսրևակոթունի երկարությունը հասնում է 1 —2,5 սմ-ի։ Ծաղկաբույլերը վահանաձև են, 3—5 սմ տրամագծով, պառկած-մազմզու- 4 կապատ առանցքով։ Ծաղիկները աղոտ սպիտակավուն են, սուր ատամնավոր բաժակով և կարմիր սկավառակով։ Կորիզապտուղը գնդաձև է, մինչև 7,5 մմ լայնությամբ, կաթնասպիտակ։ Ծաղկում է մայիս-հունիս ամիսներին, հաճախ առանց ընդմիջման մինչև աշուն։ Պտուղները հասունանում են սեպտեմբեր-հոկտեմբերին և ավելի ուշ։
Տարածվածություն խմբագրել
Տարածված է Հյուսիսային Ամերիկայում, Նյուֆաունդլենդից մինչև Մանիտոբա, հարավում՝ մինչև Վիրջինիա, Կենտուկի և Նեբրասկա։ Աճում է գետափերին, խոնավ հողերում, մացառուտներում։ Հայաստանի տարածքում մշակվում է ամենուրեք, բոլոր կլիմայական գոտիներում, ինչպես դեկորատիվ, այնպես էլ անտառային[1]։
Ծանոթագրություններ խմբագրել
- ↑ Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 2, Երևան, «Լույս հրատարակչություն», 1985, էջ 153։