Հովհաննես Ալիբեգյան

	Հովհաննես Ալիբեգյան
Կուսակցություն՝	Ռուսաստանի սոցիալ-դեմոկրատական բանվորական կուսակցություն
Կրթություն՝	Մոսկվայի համալսարանի պատմաբանասիրական ֆակուլտետ (1911)
Մասնագիտություն՝	պետական գործիչ
Ծննդյան օր	հոկտեմբերի 21 (նոյեմբերի 2), 1886
Ծննդավայր	Քութայիս, Կովկասի փոխարքայություն, Ռուսական կայսրություն
Վախճանի օր	դեկտեմբեր 1941 (55 տարեկան)
Քաղաքացիություն	Ռուսական կայսրություն և ԽՍՀՄ

Հովհաննես Հակոբի Ալիբեգյան (Իվան Յակովլեիչ Ալիբեկով) (հոկտեմբերի 21 (նոյեմբերի 2), 1886^[1], Քութայիս, Կովկասի փոխարքայություն, Ռուսական կայսրություն^[1] - դեկտեմբեր 1941^[1]), խորհրդային կուսակցական և պետական գործիչ։ ՌՍԴԲԿ անդամ 1905 թվականից։ Պրոֆեսոր (1934)։

Կենսագրություն և աշխատանքային գործունեություն խմբագրել

Ծնվել է հոկտեմբերի 21 (նոյեմբերի 3)-ին, Քութայիս քաղաքում։ 1911 թվականին ավարտել է Մոսկվայի համալսարանի պատմաբանասիրական ֆակուլտետը։

1917 թվականի սեպտեմբերին ընտրվել է Մինսկի բոլշևիկյան կոմիտեի նախագահ։ Հոկտեմբերյան հեղափոխությունից հետո եղել է Արևմտյան մարզի հեղկոմի և բոլշևիկների մարզկոմի բյուրոյի անդամ, ընդհատակյա մարզկոմի քարտուղար։ Առաջադրվել է Սահմանադիր ժողովի դեպուտատ։

Ակտիվորեն մասնակցել է Բելառուսական ԽՍՀ ստեղծմանը, ընտրվել նրա կառավարության առաջին կազմում, որպես աշխատանքի ժողովրդական կոմիսար։ Եղել է Բելառուսիայի կոմկուսի բյուրոյի անդամ։ 1919-1927 թվականներին պատասխանատու աշխատանք է վարել Մոսկվայում և Լենինգրադում, 1927-1930 թվականներին՝ Գերմանիայում՝ սովետական տնտեսական հանձնաժողովում։

1935-1941 թվականներին աշխատել է Մոսկվայի փիլիսոփայության, պատմության և գրականության ինստիտուտում՝ դեկան և ամբիոնի վարիչ։ 1941 թվականի աշնանը որպես աշխարհազորային միավորման կոմիսար մասնակցել է Մոսկվայի պաշտպանությանը և զոհվել դեկտեմբերյան մարտերում։

Ծանոթագրություններ խմբագրել

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

Վիքիդարանն ունի նյութեր, որոնք վերաբերում են «Հովհաննես Ալիբեգյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 171)։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[1]