Հողաս
Հողաս, գյուղ Արևմտյան Հայաստանում, Էրզրումի վիլայեթի Քղիի գավառակում[1]։ Գտնվում էր Քղի քաղաքից 10 կմ հարավ-արևմուտք, տափարակ գետահովտի ծայրամասում։
Գյուղ | ||
---|---|---|
Հողաս | ||
Վարչական տարածք | Արևմտյան Հայաստան | |
Վիլայեթ | Էրզրումի վիլայեթ | |
Գավառակ | Քղիի գավառակ | |
Պաշտոնական լեզու | Հայերեն | |
Ազգային կազմ | Հայեր (մինչև Մեծ եղեռնը) | |
Կրոնական կազմ | Քրիստոնյա (մինչև Մեծ եղեռնը) | |
Ժամային գոտի | UTC+3 | |
Փոստային ինդեքսներ | 12000 | |
|
Աշխարհագրություն
խմբագրելԳյուղը շրջապատված էր փոքր անտառներով։ Հարավային կողմից հոսում էր Քղիի վտակներից մեկը։
Պատմություն
խմբագրելԳրեթե մշտապես 125 հայ պանդխտում էին Ամերիկա։ Հողասն Ամերիկայում ուներ Ուսումնասիրաց ընկերություն։ 1915 թվականի Մեծ եղեռնի ժամանակ թուրքերի ձեռքով ողջ հայ բնակչությունը սրի է քաշվել։ Փրկվել է ընդամենը 2 կին և մի տղամարդ։
Բնակչություն
խմբագրելXX դարի սկզբին ուներ 150 տուն՝ 995 հայ բնակչով և 15 տուն՝ 70 թուրք բնակչով։ Բնակիչները բարեկեցիկ էին՝ նյութապես ապահովված։ Նրանց զգալի մասը գրագետ էր։
Տնտեսություն
խմբագրելԲնակչության հիմնական զբաղմունքը հողագործություն, արհեստներն ու առևտուրն էր։
Պատմամշակութային կառույցներ
խմբագրելՀողասն ուներ հայկական եկեղեցի։
Կրթություն
խմբագրելԳյուղում գործում էր հայկական վարժարան[2]։
Տես նաև
խմբագրելԾանոթագրություններ
խմբագրել- ↑ «Կարինի նահանգի Կարինի գավառ». Վերցված է 2015 ապրիլի 14-ին.
- ↑ «Հայաստանի և հարակից շրջանների տեղանունների բառարան», հտ 3, էջ 433
Աղբյուրներ
խմբագրել- «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
- Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 530)։ |