Հեղինե Տեր-Ղևոնդյան

հայ դաշնակահար, մանկավարժ

Հեղինե Անուշավանի Տեր-Ղևոնդյան (սեպտեմբերի 24, 1918(1918-09-24), Թիֆլիս, Վրաստանի Դեմոկրատական Հանրապետություն - մարտի 26, 1999(1999-03-26), Երևան, Հայաստան), հայ դաշնակահար, մանկավարժ։ ՀԽՍՀ վաստակավոր արտիստ (1959)։ Պրոֆեսոր (1977)։

Հեղինե Տեր-Ղևոնդյան
Հիմնական տվյալներ
Ծնվել էսեպտեմբերի 24, 1918(1918-09-24)
Թիֆլիս, Վրաստանի Դեմոկրատական Հանրապետություն
Երկիր ԽՍՀՄ և  Հայաստան
Մահացել էմարտի 26, 1999(1999-03-26) (80 տարեկան)
Երևան, Հայաստան
Մասնագիտությունդաշնակահարուհի և երաժշտության ուսուցիչ
Գործիքներդաշնամուր
ԱշխատավայրՀայֆիլհարմոնիա և Երևանի Կոմիտասի անվան պետական կոնսերվատորիա
ԿրթությունՄոսկվայի կոնսերվատորիա
Պարգևներ
ՀԽՍՀ վաստակավոր արտիստ

Անուշավան Տեր-Ղևոնդյանի դուստրը։

Կենսագրություն խմբագրել

Հեղինե Տեր-Ղևոնդյանը ծնվել է 1918 թվականին Թիֆլիսում, հայ կոմպոզիտոր, մանկավարժ, ՀԽՍՀ ժողովրդական արտիստ Անուշավան Տեր-Ղևոնդյանի ընտանիքում։ 1946 թվականին ավարտել է Մոսկվայի Չայկովսկու անվան պետական կոնսերվատորիան։ Նույն թվականից եղել է Հայֆիլհարմոնիայի կոնցերտմայստեր, 1953-1999 թվականներին դասավանդել է Երևանի կոնսերվատորիայում, 1971 թվականից՝ ամբիոնի վարիչ։ Նվագակցել է անվանի մենակատարների, հյուրախաղերով հանդես եկել Իրանում, Սիրիայում, Լիբանանում, Կանադայում, Ֆրանսիայում, ԱՄՆ-ում, Ռումինիայում, Հունգարիայում և այլուր։ Մասնակցել է հայ արվեստի և գրականության տասնօրյակին (Մոսկվա, 1956 թվական), «Պրահայի գարուն» միջազգային փառատոնին (1967)[1]։

Հեղինե Տեր-Ղևոնդյանի անվան կոնցերտմայստերների մրցույթ խմբագրել

2008 թվականից անցկացվում է Երևանի Կոմիտասի անվան պետական կոնսերվատորիայի կոնցերտմայստերական պատրաստման ամբիոնի հիմնադիր Հեղինե Տեր-Ղևոնդյանի անվան կոնցերտմայստերների մրցույթ` երկու տարին մեկ անգամ։ Մրցույթի նպատակն է հնարավորություն ընձեռել երիտասարդ կատարողներին դրսևորվելու, նրանց խրախուսելու և նպաստելու մասնագիտական կարողությունների կատարելագործմանը։ Մրցույթին կարող են մասնակցել 16-35 տարեկան երաժիշտներ[2][3]։

Ծանոթագրություններ խմբագրել

  1. Ով ով է. Հայեր. Կենսագրական հանրագիտարան, հատոր 2, Երևան, ՀՀՀ, 2007, էջ 584։
  2. «MinCult - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐՈՒԹՅՈՒՆ»։ mincult.am։ Վերցված է 2018-07-05 
  3. «ՄԱԳԱՂԱԹ.AM  » Հեղինե Տեր-Ղևոնդյանի անվան կոնցերտմայստերների մրցույթը մեկնարկել է»։ www.magaghat.am (ar-AR)։ Արխիվացված է օրիգինալից 2020-01-25-ին։ Վերցված է 2018-07-05