Հելեն Բուսալիս
Հելեն Ջ. Բուսալիս (անգլ.՝ Helen G. Boosalis, օգոստոսի 28, 1919, Մինեապոլիս, Մինեսոտա, ԱՄՆ - հունիսի 15, 2009[1], Լինքոլն, ԱՄՆ), ամերիկացի դեմոկրատ քաղաքական գործիչ, Լինքոլնի առաջին կին քաղաքապետ (1975-1983) և ԱՄՆ քաղաքապետների համաժողովի առաջին կին նախագահ (1981-1982)[2]։ Նեբրասկայի նահանգապետի թեկնածու (1986)[3][4]։
Հելեն Բուսալիս | |
Կուսակցություն՝ | Դեմոկրատական կուսակցություն |
---|---|
Կրթություն՝ | Մինեսոտայի համալսարան |
Մասնագիտություն՝ | քաղաքական գործիչ |
Դավանանք | Հունական ուղղափառ եկեղեցի |
Ծննդյան օր | օգոստոսի 28, 1919 |
Ծննդավայր | Մինեապոլիս, Մինեսոտա, ԱՄՆ |
Վախճանի օր | հունիսի 15, 2009[1] (89 տարեկան) |
Վախճանի վայր | Լինքոլն, ԱՄՆ |
Քաղաքացիություն | ԱՄՆ |
Կրթություն
խմբագրելԾնվել է 1919 թվականի օգոստոսի 28-ին Մինեապոլիսում (Մինեսոտա, ԱՄՆ)՝ հույն ներգաղթյալների ընտանիքում, որտեղ նա մեծացել է՝ աշխատելով իր հոր ռեստորանում[5]։
Ավարտել է Մինեսոտայի համալսարանը, որտեղ հանդիպել է իր ապագա ամուսնուն[6]։
Կարիերա
խմբագրելՔաղաքականություն
խմբագրել1959 թվականին ընտրվել է Լինքոլնի քաղաքային խորհրդում։ Դրանից հետո վերընտրվել է երեք անգամ։
1975 թվականին դարձել է Լինքոլնի քաղաքապետ՝ դառնալով այս պաշտոնում առաջին կինը։ Այս պաշտոնը զբաղեցրել էր երկու անընդմեջ ժամկետով՝ մինչև 1983 թվականը։
1981-1982 թվականներին Միացյալ Նահանգների քաղաքապետների համաժողովի առաջին կին նախագահն էր։
1983 թվականին Լինքոլնի քաղաքապետի պաշտոնավարումից անմիջապես հետո նշանակվել է Նեբրասկայի ծերացման հարցերով դեպարտամենտի տնօրեն՝ նախկին այն ժամանակվա նահանգապետ Բոբ Քերիի գրասենյակում։ Նա այդ պաշտոնը զբաղեցրել է մինչև 1986 թվականի ընտրությունները, երբ նրան առաջադրել են Նեբրասկայի նահանգապետի պաշտոնում։
Դեմոկրատական կուսակցության նախնական ընտրություններում ընտրվել է ձայների մեծամասնությամբ (43,8%)։ Ընդհանուր ընտրություններում պարտվելով՝ պարտվել է հանրապետական թեկնածու Քեյ Օրին (52.9%՝ քվեների 47,1%-ի դիմաց)։ Այս ընտրությունները, որոնք գրավել են ամբողջ երկրի ուշադրությունը, ԱՄՆ-ի պատմության մեջ առաջին նահանգապետի ընտրություններն էին, որտեղ ազգային երկու խոշոր կուսակցություններից թեկնածուները կանայք էին[7][8]։
Քաղաքականությունից դուրս
խմբագրելԸնտրություններում պարտությունից հետո ակտիվորեն անդամակցել է մի շարք կազմակերպությունների, որոնցից ամենանշանավորը 1996-1998 թվականներին Ամերիկյան կենսաթոշակառուների ասոցիացիայի տնօրենների խորհրդի նախագահի պաշտոնն էր։
Մահացել է 2009 թվականի հունիսի 15-ին Լինքոլնում՝ 89 տարեկան հասակում՝ ուղեղի ուռուցքից։
Անձնական կյանք
խմբագրել1945 թվականին ամուսնացել է Մայքլ Գաս «Մայք» Բուսալիսի հետ, որը Երկրորդ աշխարհամարտի վետերան էր, նույնպես ունի հունական ծագում։ 1948 թվականին զույգն ունեցել է դուստր՝ Մերի-Բեթը։ 1951 թվականին ընտանիքը տեղափոխվել է Լինքոլն, որտեղ Մայք Բուսալիսը զբաղվել է գյուղատնտեսական հետազոտություններով և Նեբրասկայի համալսարանում պրոֆեորի կոչմամբ դասավանդել բույսերի կենսաբանություն[9]։
Ծանոթագրություններ
խմբագրել- ↑ 1,0 1,1 1,2 http://www.journalstar.com/articles/2009/06/15/news/local/doc4a367826164e8773709361.txt
- ↑ «Helen Boosalis». The Political Graveyard.
- ↑ «Mayor Helen Boosalis». University of Nebraska Press.
- ↑ «Boosalis Helped Shatter Glass Ceiling». The National Herald. 2014 թ․ դեկտեմբերի 31. Արխիվացված է օրիգինալից 2017 թ․ մարտի 14-ին. Վերցված է 2020 թ․ մարտի 10-ին.
- ↑ Boosalis Davis, Beth (2013 թ․ սեպտեմբերի 1). «Mayor Helen Boosalis: My Mother's Life in Politics». Bison Books.
- ↑ Walton, Don (2009 թ․ հունիսի 15). «Former Lincoln mayor Boosalis dies». Lincoln Journal Star.
- ↑ «Nebraskans Coose Women for Governor's Race». The New York Times. 1986 թ․ մայիսի 14.
- ↑ Hickey, Donald R., Wunder, Susan A. and Wunder, John R. (2007 թ․ դեկտեմբերի 1). «Nebraska Moments». Bison Books.
{{cite web}}
: CS1 սպաս․ բազմաթիվ անուններ: authors list (link) - ↑ Liewer, Steve (2015 թ․ հոկտեմբերի 6). «WWII vet — presumed dead 72 years ago after crash landing — recounts tale of peril and extraordinary luck». Omaha World-Herald.