Հարեմ (Րաֆֆի)
- Անվան այլ կիրառումների համար տե՛ս՝ Հարեմ (այլ կիրառումներ)
Հարեմ, Րաֆֆու պատմական վիպակ։ Ընդգրկված է «Փունջ»-ի երկրորդ հատորում՝ «Անմեղ վաճառք», «Ուխտյալ միանձնուհի» և մի շարք այլ պատմվածքների հետ միասին։
Հարեմ | |
---|---|
Տեսակ | գրական ստեղծագործություն |
Ձև | վեպ |
Հեղինակ | Րաֆֆի |
Երկիր | Ռուսական կայսրություն |
Բնագիր լեզու | հայերեն |
Հրատարակվել է | 1874 |
Թվային տարբերակ | eanc.net/EANC/library/Fiction/Original/Raffi/Harem.htm?page=1&interface_language=hy |
Բովանդակությունը խմբագրել
Արևելյան բռնակալության դեմ ուղղված այս գրվածքի նյութն առնված է հեղինակին քաջածանոթ պարսկական կյանքից, սակայն այդտեղ հանդես են գալիս նաև Աղա-Մահմեդ խանի «1795» թվականի արշավանքի ժամանակ «Վրաստան»ից «Պարսկաստան» գերի տարված հայեր։ Պարսիկ խանի հարեմում է գտնվում Ալմաստը, որ այժմ կրում է Զեյնաբ խանում անումը։ Նրան բռնի բաժանել են իր սիրելի Մեխակից, որին այժմ կոչում են Քերիմ բեկ։ Զեյնաբ խանումի աղախին Մարջանի միջոցով Քերիմ բեկը վերականգնում է իր հարաբերություններն Ալմաստի հետ։ Բավական ծանր արկածներից հետո նրանց հաջողվում է ետ փախչել Հայաստան։
Մեխակը թշնամի է պարսկական բռնապետությանը։ Նա գալիս է Հայաստան՝ ազատագրական շարժմանը մասնակցելու համար։
Վառ գույներով է պատկերված խանի հարեմի ներքին կյանքը, որի մասին զայրույթով է խոսում հեղինակը։ Հարեմը սպանդանոց է։ Այնտեղ մարդկային անհատականությունը ոչնչացված է. կանայք զրկված են իրենց բախտը որևէ կերպ ինքնուրույն տնօրինելու իրավունքից։
Արտաքին հղումներ խմբագրել
Աղբյուրներ խմբագրել
- Հայ գրականության պատմություն, երկրորդ գիրք, Երևան, 1950 թ., էջ 83-84։