Հայ և ռուս ժողովուրդների բարեկամության թանգարան

Հայ և ռուս ժողովուրդների բարեկամության թանգարան, բացվել է 1982 թվականի դեկտեմբերի 16-ին։

Հայ և ռուս ժողովուրդների բարեկամության թանգարան
Տեսակթանգարան
ԵրկիրFlag of Armenia.svg Հայաստան[1]
ՏեղագրությունԱբովյան[1]
Մասն էՀայաստանը Ռուսաստանին միացման 150-ամյակի հուշահամալիր
ՀասցեԿոտայքի մարզ, Աբովյան, Բարեկամության հրապարակ 5
Հիմնադրված է1982

ՊատմությունԽմբագրել

 
Հուշահամալիր` Հայաստանը Ռուսաստանին միացման 150-ամյակին, քանդակագործ՝ Սարգիս Բաղդասարյան, ճարտարապետ` Ս. Բարխուդարյան

Թանգարանի բացման արարողությանը մասնակցել են ԽՍՀՄ պետական և կուսակցական նշանավոր դեմքեր, հայ և ռուս ժողովուրդների բարեկամության ամրապնդման գործում իրենց ավանդը ներդրած նշանավոր գործիչներ՝ գրողներ, արվեստագետներ, ԽՍՀՄ տիեզերագնացներ։

Թանգարանի գործունեության հիմնական նպատակը եղել է ամրապնդել և ի ցույց դնել հայ և ռուս ժողովուրդների դարավոր բարեկամությունը, երկու ժողովուրդների միջև պատմական հարաբերությունները և մշակութային կապերը ներկայացնող թանգարանային առարկաների և թանգարանային հավաքածուների պահպանումը, հայտնաբերումն ու հավաքումը, ուսումնասիրումը և հանրահռչակումը։

Իր գործունեության նպատակներին համապատասխան թանգարանն իրականացնում է կազմակերպությանն ամրացված թանգարանային առարկաների և թանգարանային հավաքածուների ֆիզիկական պահպանվածությունն ու անվտանգությունն ապահովող միջոցառումներ՝ այդ թվում թանգարանային առարկաների կոնսերվացումն ու վերականգնումը, իրականացնում է նաև թանգարանային առարկաների համալրում՝ նվիրաբերումների, կտակի, հանձնման, գնման եղանակներով։ Իրագործում է կազմակերպությանն ամրացված (մշտական կամ ժամանակավոր պահպանության) ինչպես նաև համալրման նպատակով ձեռք բերված թանգարանային առարկաների հաշվառում։

ՖոնդերԽմբագրել

Հայ և ռուս ժողովուրդների բարեկամության թանգարանի ֆոնդերում պահվում են երկու ժողովուրդների բարեկամությունն արտացոլող շուրջ 800 պատմական, ազգագրական, գրավոր աղբյուրների, լուսանկարների, դրամագիտական, քարտեզների, շքանշանների և մեդալների, տնտեսական և կենցաղային իրերի և առարկաների հավաքածուներ, գեղանկարիչների, քանդակագործների և ժողովրդական ստեղծագործողների աշխատանքներ, (արձան, գոբելեն, փայտագործություն) և այլն։ Պարբերաբար աշխատանքներ են իրականացվում ֆոնդային հավաքածուները նոր ցուցանմուշներով համալրելու ուղղությամբ։ Թանգարանային 798 առարկաներից թվայնացված են 758-ը։

ՑուցասրահներԽմբագրել

Առաջին հարկի ցուցասրահում ներկայացված են հայ և ռուս ժողովուրդների բարեկամությանը վերաբերվող ցուցանմուշներ՝ գիտության, մշակույթի, կրթության, տնտեսական և ռազմական ոլորտի նշանավոր մարդկանց դիմանկարներ, նամակներ, քանդակներ, գրքեր, անձնական իրեր և հավաքածուներ։ Առանձին ենթաբաժիններով են ներկայացված հայ-ռուսական կապերի պատմությունը և դարավոր բարեկամությունն արտացոլող ցուցանմուշները ըստ տարբեր ժամանակաշրջանների։

Երկրորդ հարկի ցուցասրահում գործում է ժամանակավոր ցուցադրություն։ Այստեղ ցուցադրվում են տարածաշրջանի և հանրապետության ճանաչված արվեստագետների գործերը, անց են կացվում թանգարանային միջոցառումներ։ Մեծ դահլիճը և կինոդահլիճը գտնվում են վթարային իրավիճակում, վերանորոգման կարիք ունեն և ժամանակավորապես օգտագործվում են որպես ֆոնդապահոցներ։

ՄիջոցառումներԽմբագրել

Թանգարանը կազմակերպում է մշտական և ժամանակավոր ցուցադրություններ, ինչպես նաև ցուցահանդեսներ, կազմակերպությանն ամրացված կամ իրավաբանական և ֆիզիկական անձանց պատկանող թանգարանային առարկաներով և թանգարանային հավաքածուներով, ապահովում է դրանց մատչելիությունը։

Թանգարանը իրականացնում է նաև գիտալուսավորչական և գիտահետազոտական աշխատանք։ Կազմակերպում է դասախոսություններ, հանդիպումներ, համաժողովներ, պատրաստում և հրատարակում է գիտական աշխատություններ, մենագրություններ, հոդվածներ, ժողովածուներ, ուղեցույցներ, կատալոգներ ինչպես նաև կազմակերպության գործունեության վերաբերյալ տեղեկատվական և գովազդային նյութեր։ կազմում է իր հիմնական գործունեության ընթացիկ և սոցիալ տնտեսական զարգացման հեռանկարային ծրագրերը, համագործակցում է այլ թանգարանների հետ՝ թանգարանային գործի տեսական և գիտագործնական խնդիրների վերաբերյալ համատեղ ծրագրերի մշակման և իրականացման նպատակով։

Բացի մշտական ցուցադրությունից հայ և ռուս ժողովուրդների բարեկամության թանգարանում (ժամանակավոր ցուցադրության սրահում) պարբերաբար կազմակերպվում են ցուցահանդեսներ, ժամանակավոր ցուցադրություններ և թեմատիկ միջոցառումներ։ Ցուցադրվում են թանգարանի ֆոնդերում պահվող թանգարանային ցուցանմուշների, ինչպես նաև անհատ և ստեղծագործող անձանց հավաքածուներ։ Կազմակերպվում են թեմատիկ և թաթերականացված միջոցառումներ՝ նվիրված տարբեր տոներին և հիշատակի օրերին։ Հանրապետական միջոցառումների շրջանակներում անց են կացվում «Թանգարանային գիշեր» և «Եվրոպական ժառանգության օրեր» միջոցառումները։

ՀասցեԽմբագրել

Թանգարանը գտնվում է Կոտայքի մարզի Աբովյան քաղաքի Բարեկամության հրապարակի 5 հասցեում։

ԾանոթագրություններԽմբագրել

  1. 1,0 1,1 Monuments database — 2017.