Հայրապետ Գալստյան

Հայրապետ Մեսրոպի Գալստյան (օգոստոսի 31, 1939(1939-08-31), Երևան, Հայկական ԽՍՀ, ԽՍՀՄ), հայ բժիշկ, ուռուցքաբան։ Բժշկական գիտությունների դոկտոր (1975), պրոֆեսոր (1991), ԳԱԱ թղթակից անդամ (2000), ՀՀ ԲԳԱ անդամ (1997), ՌԴ ԲԳԱ անդամ (1998)։

Հայրապետ Գալստյան
Ծնվել է	օգոստոսի 31, 1939(1939-08-31) (84 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	Երևանի Մխիթար Հերացու անվան Պետական Բժշկական Համալսարան
Մասնագիտություն	բժիշկ և ուռուցքաբան
Գիտական աստիճան	բժշկական գիտությունների դոկտոր և պրոֆեսոր
Պարգևներ	և Երևանի պատվավոր քաղաքացի

Կենսագրություն

1960 թվականին ավարտել է Երևանի բժշկական ինստիտուտը։ 1977 թվականից Բ. Ա. Ֆանարջյանի անվան ուռուցքաբանության ազգային կենտրոնի ընդհանուր ուռուցքաբանության բաժանմունքի վարիչն է, 1981-2002 թվականներին՝ միաժամանակ փոխտնօրեն, մինչև 2014 թվականը՝ տնօրեն։ 1981 թվականից եղել է ՀՀ ուռուցքաբանների և ռենտգենաբանների ընկերության նախագահը, 1994 թվականից՝ ԱԱԻ ուռուցքաբանության ամբիոնի վարիչ, 2001 թվականից «Բժշկական ռադիոլոգիա» և «Ուռուցքաբանություն» մասնագիտություններով Մասնագիտական ԳԽ նախագահն է, 2002 թվականից ՀՀ գլխավոր ուռուցքաբանն է։ 2004 թվականից ուռուցքաբանների հայկական ասոցիացիայի պատվավոր նախագահ, ճառագայթային ուռուցքաբանների և ռադիոլոգների ասոցիացիայի պատվավոր նախագահ։

Գործունեություն

Աշխատանքները վերաբերում են ստամոքսաաղիքային համակարգի, կաթնագեղձի, փափուկ հյուսվածքների չարորակ նորագոյացությունների ախտորոշման և համակցված բուժման հարցերին։ Առաջիններից մեկն է ԽՍՀԱ-ում ներդրել ուռուցքաբանական հիվանդների բուժման պրակտիկայում չարորակ ուռուցքների նախավիրահատական խոշոր ֆրակցիաներով ճառագայթային բուժում։

20-ից ավելի մեթոդական հանձնարարականների և ռացիոնալիզատորական առաջարկների, հեղինակային վկայականների, 312 հրատարակված գիտական աշխատանքների, 6 մենագրությունների և ուսումնական ձեռնարկների հեղինակ է։

Մրցանակներ

• ՀՀ Մխիթար Հերացու մեդալ, 1999
• Ի. Պ. Պավլովի արծաթե մեդալ, 1999
• Էռլիխի մեդալ 2000
• ՌԴ բնական ԳԱ «Հաղթական Գեորգիի շքանշան», 2002
• Ռենտգենի մեդալ, 2003
• Երևանի պատվավոր քաղաքացի, 2006

Երկեր

• Диагностика и лечение сарком мягких тканей, Е., 1984. (համահեղինակ)
• Дисгормональные гиперплазии и доброкачественные опухли молочной железы, Е., 1986.
• Комбинированное и комплексное лечение местнораспространенного рака прямой кишки, Е., 1987. (համահեղինակ)
• Диагностика, комбинированное лечение и реабилитация больных раком проксимального отдела желудка, Е., 1989. (համահեղինակ)

Արտաքին հղումներ

• Հայրապետ Գալստյան, 70-ամյակ
• Տղամարդկանց մոտ գերակշռում է` թոքի, իսկ կանանց մոտ կրծքագեղձի քաղցկեղը. Հայրապետ Գալստյան Արխիվացված 2022-02-11 Wayback Machine
• Ուռուցքաբանության ամբիոն, Հայրապետ Մեսրոպի Գալստյան(չաշխատող հղում)