Հայկ Բադիկյան

հայ քանդակագործ

Հայկ Ավետիսի Բադիկյան, (հունվարի 22, 1876(1876-01-22)[1][2][3], Վան, Վանի վիլայեթ, Օսմանյան կայսրություն - սեպտեմբերի 19, 1950(1950-09-19)[2], Սան Ֆրանցիսկո, Կալիֆոռնիա, ԱՄՆ), հայազգի ամերիկյան քանդակագործ։

Հայկ Բադիկյան
Hayk Badikyan.jpg
Ծնվել էհունվարի 22, 1876(1876-01-22)[1][2][3]
ԾննդավայրՎան, Վանի վիլայեթ, Օսմանյան կայսրություն
Մահացել էսեպտեմբերի 19, 1950(1950-09-19)[2] (74 տարեկան)
Վախճանի վայրըՍան Ֆրանցիսկո, Կալիֆոռնիա, ԱՄՆ
ՔաղաքացիությունFlag of the United States (1912-1959).svg ԱՄՆ
Ազգությունհայ և ամերիկահայ
Ստեղծագործություն(ներ)Ուիլյամ ՄաքՔինլիի արձան և Աբրահամ Լինքոլնի հուշարձան
Մասնագիտությունքանդակագործ
ԱնդամությունԲոհեմական ակումբ և Արվեստի և գրականության ամերիկյան ակադեմիա
Haig Patigian Վիքիպահեստում

ԿենսագրությունԽմբագրել

Ծնվել է Վանում։ 1891 թվականին մեկնել է ԱՄՆ և հաստատվել Ֆրեզնոյում։ 1899 թվականին սովորել է Հոպկինսի արվեստի ինստիտուտում։ 1906-1907 թվականներին կատարելագործվել է Փարիզում Ալբեր Մարկեի մոտ։ 1907 թվականին ֆրանսիական արվեստագետների սրահում ցուցադրվել է Բադիկյանի «Հին պատմություն» բրոնզե այլաբանական քանդակը։ 1908 թվականից ապրել է Սան Ֆրանցիսկոյում։ Ստեղծագործել է դասական ոճով, հարել ռեալիստական ուղղությանը, վճռաբար հանդես է եկել մոդեռնիզմի դեմ։ Բադիկյանը կերտել է ամերիկյան հայտնի անձանց բրոնզե և մարմարե հուշարձաններ, կիսանդրիներ, ինչպես և հասարակական վայրերի համար այլաբանական սյուժեներով դեկորատիվ քանդակներ։ Բադիկյանն ընտրվել է Կալիֆորնիայի մշակութային և պատմական մի շարք ընկերությունների անդամ, արժանացել շքանշանների և պատվո դիպլոմների։

Գլխավոր գործերիցԽմբագրել

  • Աբրահամ Լինքոլնի հուշարձան, Սան Ֆրանցիսկո (1923),
  • Փերշինգի հուշարձան, Սան Ֆրանցիսկո (1921),
  • Չեստեր Ռոուվելի հուշարձան, Ֆրեզնո (1914),
  • Թոմաս Սթար Քինգի արձան, Վաշինգտոնի Կապիտոլիումի քանդակների դահլիճ (1931),
  • «Բարեկամություն» այլաբանական արձանախումբ, Սան Ֆրանցիսկո (1925),
  • «Աեորոնոթիկ» ճակտոնը Վաշինգտոնի առևտրի դեպարտամենտի շենքի համար (1931),
  • Գեներալ Ֆյունստոնի կիսանդրին Սան Ֆրանցիսկոյի քաղաքային դահլիճ (1917),
  • Էդուարդ Ռոբսոն Թեյլորի կիսանդրին, Սան Ֆրանցիսկոյի հանրային գրադարան (1917)։

ՊատկերասրահԽմբագրել

  • Ուիլյամ Մաք Քինլիի արձանը

  • Աբրահամ Լինքոլնի հուշարձանը Սան Ֆրանցիսկոյում

  • Կալիֆոռնիացի Հելենը, Սան Ֆրանցիսկոյի Դե Յանգ թանգարան

ԾանոթագրություններԽմբագրել

  1. ↑ 1,0 1,1 Benezit Dictionary of Artists — 2006. — ISBN 978-0-19-977378-7
  2. ↑ 2,0 2,1 2,2 2,3 2,4 Grove Art Online, Grove Dictionary of Art Online / J. Turner — OUP, 1998.
  3. ↑ 3,0 3,1 Artists of the World Online, Allgemeines Künstlerlexikon Online (գերմ.) — B: K. G. Saur Verlag, Verlag Walter de Gruyter.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։  
Ստացված է «https://hy.wikipedia.org/w/index.php?title=Հայկ_Բադիկյան&oldid=7141466» էջից