Հաղարջենի ալպիական

Հաղարջենի ալպիական
Գիտական դասակարգում
Թագավորություն Բույսեր Կարգ Երկշաքիլավորներ Ընտանիք Քարբեկազգիներ
Լատիներեն անվանում
Ribes alpinum L.
Հոմանիշներ
Ribes dioicum Moench Ribes lucidum Kit.
Դասակարգումը Վիքիցեղերում Պատկերներ Վիքիպահեստում

Հաղարջենի ալպիական (լատին․՝ Ribes alpinum), պատկանում է քարբեկազգիների ընտանիքին։ Ունի 2,5 մ բարձրություն, ունի նաև մոխրագույն և գորշ ընձյուղներ։ Այն տերևաթափ թուփ է՝ 3-5 բլթանի, սուր ատամնաեզր, վերևի կողմից՝ մուգ կանաչ, ներքևի կողմից՝ ավելի բաց գույնի, մերկ։ Հաղարջենու տերևները կլորավուն են և հասնում են 1,5-4 սմ երկարության։ Վարսանդայինները խիստ կարճ են՝ կազմված 2-4 ծաղիկներից։ Արական ծաղիկների ողկույզների թիվը հասնում է 20 հատի, ունեն 4 սմ երկարություն։ Այս ծաղիկը հիմնականում ծաղկում է մայիսին և վերջնականապես հասունանում հուլիսին։ Տերևները պարունակում են 50,4 մգ E վիտամին։ Բազմանում է սերմերով։ Խորհուրդ է տրվում հիմնականում օգտագործել ալպինարիաների ձևավորումներում։ Օգտագործում է նաև ամուր ցանկապատ պատրասստելու մեջ։ Հատապտուղները էլիպսաձև են կամ գնդաձև՝ 0,5-0,9 սմ տրամագծով, կարմիր, անհամ։ Հայկական ՍՍՀ-ի տարածքում հանդիպում է Սևանի ավազանում, որտեղ աճում է վերին լեռնային գոտում, անտառներում, անտառների եզրերին, թփուտներում, քարքարոտ լանջերում։ Բազմանում է սերմերով։ Խոնավասեր է, ցրտադիմացկուն, լուսասեր, պահանջկոտ է հողի նկատմամբ։

Հաղարջենի ալպիական,

Տարածում

Հիմնականում տարածված է Կովկասում և Եվրոպայում։ Առավելապես շատ է աճում Լոռիում, Իջևանում և Վայքում։

Արտաքին հղումներ

• Հաղարջենի ալպիական Արխիվացված 2015-05-15 Wayback Machine

Վիքիցեղերն ունի նյութեր, որոնք վերաբերում են «Հաղարջենի ալպիական» հոդվածին։

Վիքիպահեստն ունի նյութեր, որոնք վերաբերում են «Հաղարջենի ալպիական» հոդվածին։