Կովկասյան խաչագորտ
Կովկասյան խաչագորտ (լատին․՝ Pelodytes caucasicus), անպոչ երկկենցաղների կարգի սխտորագորտերի ընտանիքին պատկանող գորտատեսակ։
Կովկասյան խաչագորտ | ||||||||||||
---|---|---|---|---|---|---|---|---|---|---|---|---|
Գիտական դասակարգում | ||||||||||||
|
||||||||||||
Լատիներեն անվանում | ||||||||||||
Pelodytes caucasicus Boulenger, 1896 | ||||||||||||
Հատուկ պահպանություն | ||||||||||||
Արեալ | ||||||||||||
|
Վարում է գիշերային կենսակերպ և ցերեկային ժամերին թաքնվում է քարերի արանքներում։ Գրանցված է Ռուսաստանի Դաշնության Կարմիր գրքում՝ որպես վտանգված կենդանատեսակ։
Տարածվածություն խմբագրել
Տարածված է միայն Կովկասյան տարածաշրջանում։ Հանդիպում է Վրաստանի արևմուտքում՝ Կողքիսի սարահարթում, Ադրբեջանի մի փոքր հատվածում և Ռուսաստանի Դաշնության Կրասնոդարի երկրամասում։
Ադրբեջանում տարածված է Զաքաթալա և Բայլական քաղաքներում, որոնք գտնվում են վրաց-ադրբեջանական սահմանամերձ գոտում։
Կան ապացույցներ, որ այս խաչագորտերը տարածված են նաև Թուրքիայի տարածքում։ Գրանված է ՌԴ Կարմիր գրքում։ Ապրում է լեռնային շրջաններում` ծովի մակարդակից մինչև 2300 մետր բարձրության վրա[1]։
Նկարագրություն խմբագրել
Չափերով բավականին փոքր գորտ է։ Մարմնի երկարությունը կազմում է 5-5,5 սմ։ Մարմինը վերևից ունի դեղնականաչավուն գունավորում, որոնք ծածկված են մուգ կանաչ պուտերով։
Սպիտակ է միայն փորի հատվածը։ Բազմացման ժամանակ առջևի վերջույթներին առաջանում են կոշտուկներ, որոնց գորտնուկ են անվանում։ Բազմացումից հետո արուի մեջքին առաջանում է խաչանման նախշ, որի արդյունքում էլ ստացել է իր անվանումը՝ կովկասյան խաչագորտ։
Ծանոթագրություններ խմբագրել
- ↑ Հ․Ջ․ Գրիգորյան, Ողնաշարավորներ, Հայերեն կենդանաբանական տերմինաբանություն (վերլուծություն և սկզբունքներ) (խմբ. Հ․Գ․ Խաչատրյան), «ՀՀ ԳԱԱ Գիտություն հրատարակչություն», 2008, էջ 155 — 264 էջ. — 300 հատ, ISBN 978-5-8080-0723-9։
Վիքիցեղերն ունի նյութեր, որոնք վերաբերում են «Կովկասյան խաչագորտ» հոդվածին։ |
Վիքիպահեստն ունի նյութեր, որոնք վերաբերում են «Կովկասյան խաչագորտ» հոդվածին։ |