Կոռոզակայուն նյութեր

Կոռոզակայուն նյութեր, մետաղական և ոչ մետաղական նյութեր, որոնք կայուն են վնասակար միջավայրերի քայքայիչ ազդեցության նկատմամբ։ Օգտագործվում են խողովակաշարեր, սարքավորումներ և այլն պատրաստելու կամ մետաղե շինվածքների մակերեսը բարակ շերտով պատելու համար։ Այս նպատակով օգտագործում են կոռոզիայի շատ դանդաղ ենթարկվող մետաղներ (տիտան, քրոմ, նիկել, ալյումին և այլն), դրանց համաձուլվածքներ, ինչպես նաև խեցեղենի, ապակու պոլիմերների տարբեր տեսակներ՝ քվարց, հախճապակի, արծններ, պոլիքլորվինիլային պլաստմասսաներ, պոլիէթիլեն, կաուչուկներ։

Տես նաև

• Կոռոզիա

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 604)։