Կիսկիմ

Կիսկիմ, գյուղաքաղաք (ավան, գյուղ) Արևմտյան Հայաստանում, Էրզրումի վիլայեթի Կիսկիմի գավառակում։ Գտնվում է Օլթի քաղաքից 45-50 կմ հյուսիս-արևմուտք, Ճորոխի աջ կողմում, կիկիմ վտակի ափին։ Հանդիսանում էր գավառակի կենտրոնը։

Գյուղաքաղաք
Կիսկիմ
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառակ	Կիսկիմի գավառակ
Այլ անվանումներ	Կիկիմն, Քեսկիմ, Քիսգիմ, Քիսկիմ
Ժամային գոտի	UTC+3
Փոստային ինդեքսներ	08820
Կիսկիմ (Աշխարհ)

Անվան ժողովրդական ստուգաբանություն

Ըստ ավանդության Կիսկիմի տեր այրի Կիսկիմն ասել է. Ես կկիսվեմ ու բաժին կտամ հարսիս ու մյուսներին, իսկ ես բարձունքից կիսկեմ (այսինք՝ կհսկեմ)։ Այդ ժամանակվանից վայրի անվանումը մնացել է Կիսկիմ։

Պատմություն

Բնակավայրի մասին հիշատակություն կա 1511 թվականի հայերեն ձեռագրում։ Հայերը 1917 թվականի տեղահանության ժամանակ փախել և պատսպարվել են Խոտորջուրում։

Բնակչություն

1872-1873 թվականներին ուներ 150-160 տուն հայ և թուրք բնակիչ։

Տնտեսություն

Բնակչության հիմնական զբաղմունքը հողագործություն, այգեգործություն և արհեստներն էր։

Պատմամշակութային կառույցներ

Կիսկիմն ուներ Ս. Աստվածածին անունով եկեղեցի։

Կրթություն

Ավանում գործում էր հայկական վարժարան։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 448)։