Կիպրոսի աշխատավոր ժողովրդի առաջադիմական կուսակցություն
Կիպրոսի աշխատավոր ժողովրդի առաջադիմական կուսակցություն (հուն․՝ Ανορθωτικό Κόμμα Εργαζόμενου Λαού (ΑΚΕΛ), [ԱԿԷԼ], թուրքերեն՝ Emekçi Halkın İlerici Partisi), մարքսիստ-լենինիստական և կոմունիստական ուղղվածության քաղաքական կուսակցություն Կիպրոսում։
Կիպրոսի աշխատավոր ժողովրդի առաջադիմական կուսակցություն Ανορθωτικό Κόμμα Εργαζόμενου Λαού Emekçi Halkın İlerici Partisi | |
---|---|
![]() | |
![]() | |
Տեսակ | կուսակցություն |
Երկիր | ![]() |
Հիմնադրված | 1926 |
Գաղափարախոսություն | Ձախականություն Ծայրահեղ ձախականություն |
Քաղաքական հայացք | Մարքսիզմ-լենինիզմ Կոմունիզմ Կիպրոսյան ազգայնականություն[1] |
Պաշտոնական գույն(եր) | Կարմիր |
Շտաբ | ![]() |
Միջազգային պատկանելություն | եվրպական ձախ թևի կուսակցություն |
Կայք | akel.org.cy |
![]() |
Կիպրոսի կոմունիստական կուսակցությունը հիմնվել է 1926 թվականին։ 1941 թվականի ապրիլին, ԿԿԿ մի քանի անդամներ հիմնեցին Կիպրոսի աշխատավոր ժողովրդի առաջադիմական կուսակցությունը։ 1955 թվականին անգլիական իշխանություններն արգելեցին ԱԿԷԼ-ի, ինչպես և մի շարք կազմակերպությունների գործունեությունը։ 1959 թվականին կուսակցությունն ստացավ լեգալ գործելու հնարավորություն։ 10-րդ համագումարը (1962) ընդունեց նոր ծրագիր, ըստ որի Կիպրոսի ժողովրդի գլխավոր թշնամին իմպերիալիզմն էր, և պայքարի ժամանակակից փուլը պետք է կրի հակաիմպերիալիստական, ազգային-ազատագրական բնույթ։
1974 թվականի հուլիսի 15-ի զինված հեղաշրջման փորձից և թուրքական զորքերի Կիպրոս ներխուժելուց (1974 թվականի հուլիսի 20) հետո ԱԿԷԼ-ի ԿԿ հայտարարեց, որ կիպրական հարցը պետք է լուծվի Կիպրոսի անկախության, տարածքային ամբողջականության և կիպրական ժողովրդի սուվերեն իրավունքների պահպանման հիման վրա՝ բոլոր օտարերկրյա զորքերը երկրից դուրս բերելու, դեմոկրատական կառավարություն ստեղծելու, բոլոր քաղաքացիների (ինչպես հույների, այնպես էլ թուրքերի) իրավահավասարությունն ապահովելու ճանապարհով։
Ծանոթագրություններ
խմբագրելԱրտաքին հղումներ
խմբագրելԱյս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 443)։ |