Կիմ Եղիյան
- Վիքիպեդիայում կան հոդվածներ Եղիյան ազգանունով այլ մարդկանց մասին։
Կիմ Շմավոնի Եղիյան (հունիսի 18, 1935, Վարդաշեն, Գոյգյոլի շրջան, Ադրբեջանական ԽՍՀ, ԱԽՖՍՀ, ԽՍՀՄ), ֆիզիկոս։ Ֆիզիկամաթեմատիկական գիտությունների դոկտոր (1985)։
Կիմ Եղիյան | |
|---|---|
| Ծնվել է | հունիսի 18, 1935 (88 տարեկան) Վարդաշեն, Գոյգյոլի շրջան, Ադրբեջանական ԽՍՀ, ԱԽՖՍՀ, ԽՍՀՄ |
| Քաղաքացիություն |  ԽՍՀՄ |
| Մասնագիտություն | ֆիզիկոս |
| Հաստատություն(ներ) | Երևանի ֆիզիկայի ինստիտուտ |
| Գործունեության ոլորտ | Միջուկային ֆիզիկա |
| Ալմա մատեր | Երևանի պետական համալսարան (1957) |
| Գիտական աստիճան | ֆիզիկամաթեմատիկական գիտությունների դոկտոր (1985) |
| Պարգևներ |  |
Կենսագրություն խմբագրել
1957 թվականին ավարտել է Երևանի պետական համալսարանը։ 1978 թվականից եղել է Երևանի ֆիզիկայի ինստիտուտի լաբորատորիայի վարիչ, 1993-1998 թվականներին՝ նույն ինստիտուտի փոխտնօրեն, միաժամանակ՝ բաժանմունքի պետ, 1998 թվականից՝ Երևանի ֆիզիկայի ինստիտուտի գլխավոր գիտաշխատող։
Աշխատանքները վերաբերում են տարրական մասնիկներին և միջուկային ֆիզիկային։ Մշակել է սցինտիլյացիոն հաշվիչներով լիցքավորված մասնիկների նույնականացման եղանակ, ուսումնասիրել է միջուկների և մինչև 250 ՄԷՎ էներգիայով ֆոտոնների փոխազդեցության առանձնահատկությունները։ Կինեմատիկորեն արգելված (կումուլյատիվ) էլեկտրա- և ֆոտոմիջուկային շարժընթացների դիտարկման միջոցով հետազոտել է միջուկային մատերիայի բնույթը կարճ (ենթանուկլոնային) հեռավորությունների վրա[1]։
Պարգևներ խմբագրել
- Անանիա Շիրակացու մեդալ, 2003
Տես նաև խմբագրել
Ծանոթագրություններ խմբագրել
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.