Կարին Արոսենիուս
Կարին Արոսենիուս (շվեդ.՝ Karin Arosenius, ամբողջական անունը՝ Karin Magdalena Arosenius, հուլիսի 29, 1851[1][2][3][…], Նորչյոպինգ, Էստերգյոտլանդ, Շվեդիա[4][1][2] - ապրիլի 3, 1932[2][5][6][…], Folkärna, Avesta Municipality, Դալարնա, Շվեդիա[2][5][6][…]), շվեդ քանդակագործ։
Կարին Արոսենիուս շվեդ.՝ Karin Arosenius | |
---|---|
Ծնվել է | հուլիսի 29, 1851[1][2][3][…] |
Ծննդավայր | Նորչյոպինգ, Էստերգյոտլանդ, Շվեդիա[4][1][2] |
Մահացել է | ապրիլի 3, 1932[2][5][6][…] (80 տարեկան) |
Վախճանի վայրը | Folkärna, Avesta Municipality, Դալարնա, Շվեդիա[2][5][6][…] |
Քաղաքացիություն | Շվեդիա |
Կրթություն | Շվեդիայի գեղարվեստի թագավորական ակադեմիա (1874) |
Մասնագիտություն | քանդակագործ |
Ծնողներ | հայր՝ Johan Abraham Arosenius?, մայր՝ Hedvig Sophia Arosenius? |
Անդամություն | Երազների գաղութ |
Karin Magdalena Arosenius Վիքիպահեստում |
Կենսագրություն խմբագրել
Կարին Արոսենիուսը ծնվել է 1851 թվականի հուլիսի 29-ին, Նորչյոպինգում տեքստիլ արտադրողի՝ Յոհան Արոսենիուսի (Johan Arosenius) ընտանիքում։ Նախ սովորել է Ստոկհոլմի Konstfack քոլեջում, 1870-1874 թվականներին՝ Ազատ արվեստների թագավորական ակադեմիայում, իսկ հետո՝ Կոպենհագենում, Հռոմում և Փարիզում։ Կարին Արսենիուսը դարձել է առաջին կինը, ով երբևէ ընդունվել է Շվեդական թագավորական ակադեմիայի քանդակագործության բաժին։ Նրան հետևում է Իդա Էրիկսսոն-Մորալդը 1872 թվականին և Կարոլինա Բենեդիկս-Բրյուսը 1881 թվականին.
1890-ականների սկզբում Կարինը գտնվում է Փարիզում և հաճախում է նկարիչների կոլոնիա Գրե-սյուր-Լուէնում, որտեղ շփվում է Կարոլինա Բենեդիկս-Բրյուսի, Ուիլյամ Բրյուսի, Էմմա Չեդվիկի, Ֆրէնսիս Չեդվիկի, Կառլ Թրեգորդի, Յուստուս Լունդեգորդի, Գոտտֆրիդ Կալլստենիուսի և Գերդա Ռոոսվալ-Կալլստենիուսի հետ։ Մինչ այդ Արոսենիուսը մեկ անգամ այցելել է այդ նկարչական կոլոնիան 1884 թվականին, վերջինիս ծաղկման շրջանում։
Պորտրետային և ժանրային մոտիվներով փոքր քանդակներով նա ցուցադրվել է Փարիզյան սալոններում 1885, 1886 և 1888 թվականներին։ Ներկա է գտնվել 1889 թվականի Համաշխարհային ցուցահանդեսին Փարիզում, ինչպես նաև Շվեդիայի տարբեր ցուցահանդեսներում։
Կյանքի վերջին տարիներին Արոսենիուսը հիվանդ է եղել, և մահացել է 1932 թվականին, Ֆոլկյարնա լենա Դալլարնա քաղաքում։ Հուղարկավորվել է Ուփսալայի հին գերեզմանատանը, նրա գերեզմանին տեղադրված է քնած տղայի քանդակ, որի հեղինակը հենց ինքն է[7]։ Կարին Արոսենիուսը ամուսնացած չի եղել, երեխաներ չի ունեցել։
Ծանոթագրություններ խմբագրել
- ↑ 1,0 1,1 1,2 1,3 1,4 Kruse J. Svenskt porträttgalleri : XX. Arkitekter, bildhuggare, målare, tecknare, grafiker, mönsterritare och konstindustrialister (շվեդերեն) — 1901. — P. 11.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 Շվեդիայի մահվան գիրքը
- ↑ 3,0 3,1 Folkare tingslags häradsrätt (W) FII:89 (1932) Bild 2390 / sid 126 (AID: v752701.b2390.s126, NAD: SE/ULA/10262)
- ↑ 4,0 4,1 4,2 Շվեդիայի բնակչության 1910 թվականի մարդահամար (շվեդերեն) — Riksarkivet.
- ↑ 5,0 5,1 5,2 5,3 5,4 5,5 Folkärna kyrkoarkiv, Dalarnas län, Död- och begravningsböcker, SE/ULA/11247/F/7 (1919-1945), bildid: 00187642_00135, sida 131
- ↑ 6,0 6,1 6,2 6,3 6,4 6,5 Folkärna (W) AIIa:3b (1921-1937) Bild 1270 / sid 520 (AID: v183569.b1270.s520, NAD: SE/ULA/11247)
- ↑ Karin Arosenius
Գրականություն խմբագրել
- Irja, Bergström. Skulptriserna : Alice Nordin och hennes samtida 1890-1940. ISBN 9789170611155.