Կարինե Ստեփանյան

Վիքիպեդիայում կան հոդվածներ Ստեփանյան ազգանունով այլ մարդկանց մասին։

Կարինե Ստեփանյան (հոկտեմբերի 28, 1952(1952-10-28), Երևան, Հայկական ԽՍՀ, ԽՍՀՄ), հայ տնտեսագետ, ՀՀ ԱԺ նախկին պատգամավոր։

Կարինե Ստեփանյան
Ծնվել է	հոկտեմբերի 28, 1952(1952-10-28) (72 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի պետական համալսարան (1973)
Մասնագիտություն	տնտեսագետ

Կենսագրություն

Կարինե Ստեփանյանը ծնվել է 1952 թվականի հոկտեմբերի 28-ին Երևանում։

Կրթություն

1969 թվականից մինչև 1973 թվականը սովորել է Երևանի պետական համալսարանում, որն ավարտել է տնտեսագետի որակավորմամբ։ Սովորել է ԽՄԿԿ ԿԿ-ին կից Բաքվի բարձրագույն կուսակացական դպրոցում։

Աշխատանքային գործունեություն

1973 թվականից մինչև 1979 թվականը եղել է Վարդենիսի շրջանային ֆինանսական բաժնի ավագ տնտեսագետ։ 1985-1994 թվականներին զբաղեցրել է Վարդենիսի շրջանային խորհրդի կոմիեի գործադիր կոմիտեի նախագահի տեղակալի պաշտոնը։ 1990 թվականից մինչև 1995 թվականը եղել է ՀՀ ԱԺ պատգամավոր։ 1994-1996 թվականներին եղել է Վարդենիսի, իսկ 1996-1999 թվականներին՝ Սպանդարյանի մասնաճյուղի կառավարիչ։ 1999-2001 թվականներին եղել է «Հայխնայբանկ» ՓԲԸ-ի մասնաճյուղերի գործունեության համակարգման և վերահսկողության կառավարչության հաճախորդների սպասարկման բաժնի պետ, 2001-2004 թվականներին՝ կորպորատիվ հաճախորդների սպասարկման վարչության պետ, իսկ 2004-2005 թվականներին բանկային ծառայությունների և ռեգիոնալ զարգացման ստորաբաժանումների վարչության պետ։ 2005 թվականից մինչև 2009 թվականը եղել է «Արդշինինվեստ բանկ» ՓԲԸ-ի տարածքային կառավարման դեպարտամենտի տնօրենի տեղակալ-տարածքային ստորաբաժանումների և մանրածախ ծառայությունների զարգացման վարչության պետ, իսկ 2009 թվականի հուլիս-դեկտեմբեր ամիսներին՝ տարածքային ստորաբաժանումների և մանրածախ ծառայությունների զարգացման ծրագրերի ղեկավար։

Եղել է ԽՄԿԿ անդամ։ Ընտրվել է Վարդենիսի շրջանային խորհրդի պատգամավոր։ Աշխատել է պատգամավորների Վարդենիսի շրջանային խորհրդի գործկոմի նախագահի տեղակալ, այժմ՝ Վարդենիսի շրջանային խնայբանկի կառավարիչ։ ՀՀՇ խմբակցության անդամ։

Անձնական կյանք

Ամուսնացած է, ունի 2 որդի և 1 դուստր։

Արտաքին հղումներ

• Կարինե Ստեփանյանի կենսագրությունը ՀՀ Ազգային Ժողովի պաշտոնական կայքում