Բացել գլխավոր ցանկը

Հայոց համազգային շարժում

(Վերահղված է ՀՀՇից)

Հայոց համազգային շարժում (ՀՀՇ), Հայաստանում գործող քաղաքական-կուսակցական շարժում է։ Հիմնվել է 1988 թ. Հայաստանում ծավալված համաժողովրդական շարժման ժամանակ գլխավորությամբ Լևոն Տեր-Պետրոսյան-ի։ ՀՀՇ առաջին համագումարը կայացել է 1989 թվականին: 1990 թ․ Գերագույն Խորհրդի ընտրություններում ՀՀՇ-ն հավաքեց ձայների ջախջախիչ մեծամասնություն և սկսեց անկախացման շարժում: ՀՀՇ առաջնորդ Լևոն Տեր-Պետրոսյանը ընտրվեց ՀԽՍՀ Գերագույն Խորհրդի նախագահ: 1991 թ. հոկտեմբերի 16-ին ձայների մեծամասնությամբ ՀՀՇ նախագահ Տեր-Պետրոսյան ընտրվել է Հայաստանի Հանրապետության նախագահ՝ կազմելով ՀՀՇ-ի գլխավորած մեծամասնական կառավարություն։ 1995 թ․ Հանրապետություն միավորմաբ, որում մասնակցել է նաև ՀՀԿ-ն, մասնակցել է Գերագույն Խորհրդի վերջին, Ազգային Ժողովի առաջին գումարման ընտրություններին՝ հավաքելով ձայների ճնշող մեծամասնությունը։ 1996 թ․ կայացած Նախագահի ընտրություններում ՀՀՇ առաջնորդ Լևոն Տեր-Պետրոսյանը վերընտրվել է ՀՀ Նախագահ։ Սակայն Արցախի հարցում ունեցած տարաձայնությունները չխորացնելու, երկրի պետական շահերը գերադասելով ՀՀ Նախագահ Լևոն Տեր-Պետրոսյանը 1998 թ․ փետրվարին հրաժարական տվեց, դրան հաջորդեց ՀՀՇ մեծամասնության փլուզումը ԱԺ-ում՝ ի շնորհիվ նաև <<առնետավազքի>>։ ՀՀՇ վարչության անդամ են եղել նաև 1997 թ․ վարչապետ նշանակված Ռոբերտ Քոչարյանը և անվտանգության մարմինների ղեկավար Սերժ Սարգսյանը մինչև 1997 թ․-ը, որից հետո լքել են ՀՀՇ-ն։ 1999թ․-ից ՀՀՇ կարկառուն ներկայացուցիչ Վանո Սիրադեղյանի նկատմամբ հայտարարվել է հետախուզում, առաջադրվել են բազմաթիվ ծանր մեղադրանքներ։ Սակայն ըստ իրենց դա քաղաքական հետապնդում է՝ ուղղորդված իշխանությունների կողմից։ Մինչև 1999 թ․-ը Կենտրոնի թաղապետ է եղել ՀՀՇ-ական Արարատ Զուրաբյանը։ 1999 թ․ ՀՀՇ-ն ներկայացված չէր ԱԺ-ում: 2008 թ․ ՀՀՇ-ն նախաձեռնեց ընդդիմադիր շարժում՝ սատարելով նախագահի թեկնածու Լևոն Տեր-Պետրոսյանին։ 2009 թ․ ՀՀՇ-ն մասնակցեց Երևանի քաղաքապետի առաջին ընտրություններին։ 2012 թ․ ՀՀՇ-ն Հայ Ազգային Կոնգրես՝ ՀԱԿ ընդդիմադիր դաշինքով մասնակցեց ԱԺ ընտրություններին՝ ներգրավելով նաև շուրջ 2 տասնյակ կուսակցությունների և կազմակերպությունների։ ՀՀ Խորհրդարանում ունեցել է 7 հոգանոց Հայ Ազգային Կոնգրես խմբակցություն, որի անդամներ են եղել՝

Հայոց համազգային շարժում
Հայոց Համազգային Շարժում
ՀՀՇ.jpeg
Տեսակկուսակցություն
ԵրկիրFlag of Armenia.svg Հայաստան
ԱռաջնորդԱրամ Մանուկյան և Արարատ Զուրաբյան
Հիմնադրվածփետրվարի 20, 1988
Լուծարվածապրիլի 13, 2013
Գաղափարախոսությունազատականություն
ՇտաբԵրևան, Հայաստան
Միջազգային պատկանելություն«Եվրոպայի ազատականների և ժողովրդավարների դաշինք» կուսակցություն
Կայքanm.am

ՀՀՇ անդամ Ալեքսանդր Արզումանյանը պատգամավոր է դարձել <<Ժառանդության-Ազատ դեմոկրատներ>> դաշինքով:

2017 թ․ ԱԺ ընտրություններում ՀՀՇ անդամ Արարատ Զուրաբյանը պատգամավոր է ընտրվել Ծաոուկյան դաշինքի ցուցակով։

Արամ Մանուկյան- ՀՀՇ վարչության նախագահ 2010 թ. հուլիսի 17-ից ի վեր։

2012 թ. դեկտեմբերի 22-ին ՀՀՇ 17-րդ համագումարում ընտրվեց ՀՀՇ վարչություն՝ հետևյալ կազմով.

ՀՀՇ նորընտիր վարչությունը նույն օրը տեղի ունեցած առաջին նիստում ՀՀՇ կուսակցության վարչության նախագահ ընտրեց Արամ Վիգենի Մանուկյանին։

ՀՀՇ կուսակցության վարչության փոխնախագահ՝ Սամվել Միշայի Աբրահամյանին, ՀՀՇ կուսակցության վարչության գործադիր քարտուղար՝ Վահագն Արսենի Հայոցյանին։

2013 թ. փետրվարի 23-ի համագումարում որոշում կայացվեց կուսակցությունը «Հայ ազգային կոնգրես» վերանվանելու մասին[1]։

ԾանոթագրություններԽմբագրել

  1. «ՀՀՇ-ից դեպի ՀԱԿ անհասկանալի խառնաշփոթը. մամուլ»։ 1in.am։ 2013-03-07։ Վերցված է 31 Մարտ 2016 

Արտաքին հղումներԽմբագրել