Կարինե Սարգսյան (բժիշկ)
Անվան այլ կիրառումների համար տե՛ս՝ Կարինե Սարգսյան (այլ կիրառումներ)
Կարինե Ասատուրի Սարգսյան (հունիսի 22, 1945, Երևան, Հայկական ԽՍՀ, ԽՍՀՄ - հոկտեմբերի 29, 2013, Երևան, Հայաստան), հայ ստամոքսաղիքաբան։ Բժշկական գիտությունների դոկտոր (1995), պրոֆեսոր (2010)։
 | |
|---|---|
| Ծնվել է | հունիսի 22, 1945 |
| Ծննդավայր | Երևան, Հայկական ԽՍՀ, ԽՍՀՄ |
| Մահացել է | հոկտեմբերի 29, 2013 (68 տարեկան) |
| Մահվան վայր | Երևան, Հայաստան |
| Քաղաքացիություն | .svg){kind=small} Հայկական ԽՍՀ և  Հայաստան |
| Կրթություն | Երևանի Մխիթար Հերացու անվան Պետական Բժշկական Համալսարան (1969) |
| Մասնագիտություն | ստամոքսաղիքաբան |
| Գիտական աստիճան | բժշկական գիտությունների դոկտոր (1995) և պրոֆեսոր (2010) |
| Աշխատավայր | Կուրորտոլոգիայի և ֆիզիկական մեթոդներով բուժման ինստիտուտ, Ակադեմիկոս Սուրեն Ավդալբեկյանի անվան առողջապահության ազգային ինստիտուտ և Միքայելյան վիրաբուժության ինստիտուտ |
Կենսագրություն խմբագրել
Կարինե Սարգսյանը ծնվել է 1945 թվականին Երևանում։ 1969 թվականին ավարտել է Երևանի պետական բժշկական ինստիտուտը։ 1969-1986 թվականներին աշխատել է Կուրորտաբանության և ֆիզիոթերապիայի ստամոքսաղիքաբանության բաժանմունքում, 1986-1998 թվականներին եղել է Պրոկտոլոգիայի գիտահետազոտական ինստիտուտի աղիքի բուժման բաժանմունքի ավագ գիտաշխատող, 1998 թվականից` Առողջապահության ազգային ինստիտուտի պրոկտոլոգիայի ամբիոնի դոցենտ, 2000 թվականից աշխատում է Վիրաբուժության ինստիտուտի կոլոպրոկտոլոգիայի բաժանմունքում[1]։
Առաջարկել և ներդրել է հաստ աղիքի ֆունկցիոնալ ու բորբոքային հիվանդությունների (հաստ աղիքի ոչ առանձնահատուկ խոցային բորբոքում, Կրոնի հիվանդություն) ախտորոշման և բուժման նոր եղանակներ[1]։
Ուսումնամեթոդական ձեռնարկների հեղինակ է[1]։
Անդամակցություն խմբագրել
- ՀՀ թերապևտների ընկերակցության վարչության անդամ, 1999
- ՀՀ պրոկտոլոգիայի ընկերության անդամ, 2003
Գրականություն խմբագրել
- «Կարինե Սարգսյանի հիշատակին». Հ. Ս. Թամազյանի անվան Հայաստանի Վիրաբուժության Լրաբեր. 2014.