Կարինե Ասլամազյան
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Կարինե Սերգեյի Ասլամազյան (ապրիլի 8, 1956, Երևան, Հայկական ԽՍՀ, ԽՍՀՄ), հայ նկարչուհի, Հայաստանի նկարիչների միության պատվավոր անդամ (2014)։
Կարինե Ասլամազյան | |
---|---|
Ի ծնե | Կարինե Սերգեյի Ասլամազյան |
Ծնվել է | 1956 |
Ծննդավայր | Երևան, Հայաստան |
Ազգություն | հայ |
Քաղաքացիություն | Հայաստան |
Կրթություն | Երևանի պետական գեղարվեստա-թատերական ինստիտուտ |
Մասնագիտություն | նկարչուհի |
Ակտիվ շրջան | 1971- |
Զավակներ | Գայանե Ասլամազյան |
Կենսագրություն խմբագրել
Ծնվել է 1956 թվականի ապրիլի 8-ին Երևանում։ Մինչև 7 տարեկանն ապրել է Թբիլիսիում։ Հայրիկի մահից հետո՝ մոր և ավագ քրոջ հետ 1963 թվականին տեղափոխվել է Երևան, ուր ապրում է մինչ օրս։
1973 թվականին ավարտել է Երևանի թիվ 132 միջնակարգ դպրոցը։ Կարինե Ասլամազյանն իր առաջին նկարը նկարել է 15 տարեկանում, իսկ այսօր նրա նկարներին կարելի է հանդիպել տարբեր երկրների ցուցասրահներում։ 1973-1979 թվականներին սովորել է Երևանի երաժշտական մանկավարժական ուսումնարանի դաշնամուրի բաժինը։ Երկար տարիներ աշխատել է տարբեր երաժշտական դպրոցներում՝ որպես դաշնամուրի ուսուցչուհի։ 1988-1994 թվականներին սովորել է Երևանի պետական գեղարվեստաթատերական ինստիտուտի գեղանկարի բաժնում։ 2004 թվականին Նկարիչների տանը տեղի է ունեցել Կարինե Ասլամազյանի առաջին անհատական ցուցահանդեսը «Հայաստանը բարձր մշակույթի երկիր» խորագրով՝ նվիրված Սվյատոսլավ Ռերիխի ծննդյան 100-ամյակին։ Նա նաև ցուցահանդես է ունեցել Ս. Ռերիխի անվան թանգարանում։
2006 թվականին նկարչուհին ներկայացրել է իր աշխատանքները Լոս Անջելեսում և Նյու Յորքում։ 2011 թվականին Կարինե Ասլամազյանը ցուցահանդես է ունեցել նաև Մոսկվայում։ Մշակույթի բնագավառում և կերպարվեստի զարգացման գործում ունեցած վաստակի համար 2009 թվականին ՀՀ վարչապետի որոշմամբ խրախուսվել է շնորհակալագրով։ 2013 թվականին Հայաստանի նկարիչների միության ցուցասրահում տեղի է ունեցել նկարչուհու հաջորդ անհատական ցուցահանդեսը, որտեղ նա ներկայացրել է ավելի քան 60 նկար։ Նկարչուհու նկարները զարդարել են ինչպես տարբեր երկրների թանգարանների ու ցուցասրահների պատերը, այնպես էլ մանկական մի շարք գրքերի շապիկները։ Կարինե Ասլամազյանի նկարազարդած «Իմաստուն Խաչո» գրքի առաջին և երկրորդ հատորները Մոսկվայի գրքի միջազգային փառատոնում 2010 թվականին ճանաչվել են տարվա լավագույն մանկական գիրք։ Նրան են պատկանում նաև «Պատգամ Առաջնորդին» և «Տիեզերական իրականության փիլիսոփայություն» գրքերի շապիկների նկարազարդումները, իսկ «Արևելյան կրիպտոգրամներ» գիրքն ընթերցողին ճանաչելի է դարձել նկարչուհու «Մայտրի և Սիթհարթհա» նկարով։
2014 թվականից Կարինե Ասլամազյանը Հայաստանի նկարիչների միության պատվավոր անդամ է։
Պատկերասրահ խմբագրել
-
Կարինե Ասլամազյանի աշխատանքների ցուցահանդեսը Հայաստանի նկարիչների միությունում
-
Կարինե Ասլամազյանի աշխատանքների ցուցահանդեսը Հայաստանի նկարիչների միությունում