Կարեն Ասլանյան
Կարեն Յուրիի Ասլանյան (հուլիսի 22, 1995, Երևան, Հայաստան), հայ հունահռոմեական ըմբիշ, 2018, 2019 և 2020 թվականների ըմբշամարտի Եվրոպայի առաջնության բրոնզե մեդալակիր[1][2][3]։ Ներկայացրել է Հայաստանը Մինսկում տեղի ունեցած 2019 թվականի Եվրոպայի 2-րդ խաղերում, զբաղեցրել է 5-րդ տեղը[4]։
| Կարեն Ասլանյան | |
|---|---|
| Անձնական տեղեկություն | |
| Սեռ՝ | արական |
| Մասնագիտացում՝ | ըմբիշ |
| Երկիր՝ |  Հայաստան |
| Ծննդյան ամսաթիվ՝ | հուլիսի 22, 1995 (28 տարեկան) |
| Ծննդավայր՝ | Երևան, Հայաստան |
Կենսագրություն խմբագրել
Ծնվել է 1995 թվականի հուլիսի 22-ին Երևանում։ Ակտիվորեն սկսել է զբաղվել ըմբշամարտով 2006 թվականից։ 2012 թվականին դարձել Է Եվրոպայի պատանիների չեմպիոն, 2013 թվականին՝ պատանիների աշխարհի չեմպիոն։
2014 թվականին պատանիների աշխարհի առաջնությունում Կարեն Ասլանյանը նվաճել է արծաթե մեդալ։ 2015 թվականին դարձել է Համաբանակային 6-րդ ամառային խաղերի փոխչեմպիոն, 2017 թվականին՝ հունահռոմեական ըմբշամարտի բանակայինների աշխարհի առաջնության չեմպիոն։ 2015 թվականին պարգևատրվել է ՀՀ զինված ուժերի «Վազգեն Սարգսյան» մեդալով։
2018 թվականին մինչև 67 կգ քաշային կարգում դարձել է Եվրոպայի առաջնության բրոնզե մեդալակիր։ 2019 թվականին Բուխարեստում կայացած Եվրոպայի առաջնությունում կրկին նվաճել է բրոնզե մեդալ։
2020 թվականի փետրվարին Իտալիայի մայրաքաղաքում տեղի ունեցած մայրցամաքի առաջնությունում մինչև 67 կգ քաշային կարգում Կարենը նվաճել է բրոնզե մեդալ։
Կարեն Ասլանյանը հանդես է գալիս նաև ակումբային առաջնություններում․ 2017 թվականին «Սամուրգաշև եղբայներ» մարզական ակումբի թիմի կազմում դարձել է Ռուսաստանի գավաթակիր, նույն թվականին Իրանում անցկացված հունահռոմեական ըմբշամարտի աշխարհի ակումբային առաջնությունում իրանական «Սինա Սանաթ Իզեհ» թիմի կազմում դարձել է փոխչեմպիոն։
2021 թվականի մայիսի 8-ին Բուլղարիայի մայրաքաղաք Սոֆիայում անցկացված հունահռոմեական ըմբշամարտի վերջին վարկանիշային մրցաշարում նվաճել է Տոկիո 2020-ի օլիմպիական ուղեգիր[5][6][7][3]։
Ծանոթագրություններ խմբագրել
- ↑ «2018 European Wrestling Championships Results» (PDF). United World Wrestling. Արխիվացված (PDF) օրիգինալից 2020 թ․ ապրիլի 12-ին. Վերցված է 2020 թ․ ապրիլի 12-ին.
- ↑ «2019 European Wrestling Championships Results» (PDF). United World Wrestling. Արխիվացված (PDF) օրիգինալից 2020 թ․ ապրիլի 12-ին. Վերցված է 2020 թ․ ապրիլի 12-ին.
- ↑ 3,0 3,1 «2020 European Wrestling Championships Results» (PDF). United World Wrestling. Արխիվացված (PDF) օրիգինալից 2020 թ․ ապրիլի 12-ին. Վերցված է 2020 թ․ ապրիլի 12-ին.
- ↑ «2019 European Games Wrestling Results» (PDF). United World Wrestling. Արխիվացված (PDF) օրիգինալից 2020 թ․ ապրիլի 12-ին. Վերցված է 2020 թ․ ապրիլի 4-ին.
- ↑ Ըմբիշներ Կարեն Ասլանյանն ու Արմեն Մելիքյանն օլիմպիական խաղերի ուղեգրեր ապահովեցին
- ↑ Shefferd, Neil (2021 թ․ մայիսի 8). «Armenia and Romania book multiple Tokyo 2020 places at UWW World Olympic Games qualifier». InsideTheGames.biz. Վերցված է 2021 թ․ մայիսի 8-ին.
- ↑ Etchells, Daniel (2020 թ․ փետրվարի 12). «Armenia claim two Greco-Roman titles on day three of European Wrestling Championships». InsideTheGames.biz. Վերցված է 2020 թ․ փետրվարի 12-ին.
{{cite news}}: CS1 սպաս․ url-status (link)