Կատալպա ձվաձև
| Կատալպա ձվաձև | |
 Կատալպա ձվաձև | |
| Դասակարգում | |
| Թագավորություն | Բույսեր (Plantae) |
| Վերնաբաժին | Բարձրակարգ բույսեր (Embryophyta) |
| Տիպ/Բաժին | Անոթավոր բույսեր (Tracheophyta) |
| Ենթատիպ | Սերմնավոր բույսեր (Spermatophytes) |
| Կարգ | Խուլեղինջածաղկավորներ (Lamiales) |
| Ընտանիք | Փողածաղկազգիներ (Bignoniaceae) |
| Ցեղ | Կատալպա (Catalpa) |
| Տեսակ | Կատալպա ձվաձև (C. ovata) |
| Միջազգային անվանում | |
| Catalpa ovata | |
| Կարգավիճակ | |
Հատուկ պահպանության կարգավիճակ՝  Քիչ մտահոգող տեսակ | |
Կատալպա ձվաձև (լատին․՝ Catalpa ovata), փողածաղկազգիների ընտանիքի, կատալպա ցեղի բույս։
Նկարագրություն խմբագրել
Տերևաթափ ծառ է` 8-10 (երբեմն` 15) մետր բարձրությամբ և վրանաձև սաղարթով։ Ընձյուղները մերկ են, հազվադեպ՝ ծածկված ցրված մազմզուկներով։ Տերևները լայն ձվաձև են, 10-25 սմ երկարությամբ, հաճախ սրտանման հիմքով, գագաթում միանգամից սրացող, երբեմն 3-5 լայն, սրածայր բլթակներով, վերևի կողմից՝ անփայլ կանաչ, ներքևի կողմից՝ բաց կանաչավուն, մերկ կամ մազմզուկապատ միայն ջղերի ուղղությամբ, 6-15 սմ երկարությամբ տերևակոթուններով։ Հուրանները բրգաձև են, 10-25 սմ երկարությամբ։ Ծաղիկները դեղնավուն են, ներսում նարնջագույն շերտերով և մուգ մանուշակագույն բծերով։ Պսակն ունի 2 սմ տրամագիծ։ Տուփիկի երկարությունը հասնում է 20-30 սմ-ի և մոտ 0.8 սմ լայնության։ Ծաղկում է հուլիս-օգոստոս ամիսներին, պտղաբերում է հոկտեմբեր-դեկտեմբերին։
Էկոլոգիական խումբը՝ VI: Մշակության հավանական շրջանները՝ 7, 9-10, 18-20, 23-28, 31-32:
Տարածվածություն խմբագրել
Տարածված է Կենտրոնական Չինաստանում՝ Հուբեյ (600-ից մինչև 1000 մետր բացարձակ բարձրության վրա) և Շանդուն գավառներում։ Աճում է անտառաեզրերին և բաց վայրերում։ Լուսասեր է, ստվերի տակ ոչնչանում է։ Բավականին ջերմասեր է, սակայն դիմանում է մինչև -30-32 °C-ի սառնամանիքներին։ Մեր հանրապետությունում լավ է աճում ծովի մակերևույթից մինչև 1500 մետր բարձրությունների վրա, որից ավելի բարձր նիշերում լուրջ ցրտահարվում է։
Կիրառություն խմբագրել
Որպես դեկորատիվ բույս, որը աչքի է ընկնում գեղեցիկ, էկզոտիկ տերևներով ու պտուղներով և առատ ծաղկմամբ, մեծ ուշադրության է արժանի[1]։
Ծանոթագրություններ խմբագրել
- ↑ Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 2, Երևան, «Լույս հրատարակչություն», 1985, էջ 313։
 | Վիքիցեղերն ունի նյութեր, որոնք վերաբերում են «Կատալպա ձվաձև» հոդվածին։ |
 | Վիքիպահեստն ունի նյութեր, որոնք վերաբերում են «Կատալպա ձվաձև» հոդվածին։ |