Կավարտ

Կավարտ, գյուղ Հայկական ԽՍՀի Ղափանի շրջանում, Ղափան շրջկենտրոնից 3.5-4 կմ հյուսիս-արևելք։

Կավարտ
Երկիր	Հայկական ԽՍՀ
Շրջան	ՂափանՂափանի շրջան|Ղափան
Այլ անվանումներ	Գավարթի, Գավարտ, Գավարտի, Կավարդ
Բնակչություն	800 մարդ (1931)
Ազգային կազմ	հայեր
Ժամային գոտի	UTC+4

Պատմություն

Հնում եղել է գյուղ Սյունիք աշխարհի Բաղք-Աճանան գավառում։ Հիշատակված է եղել Տաթևի վանքի հարկացուցակում (XIII դար) և նոր ժամանակների (1781 թ.) «Քյոթուկ» մատյանում։

Նույն անվանումով ընդգրկված է եղել Արևելյան Հայաստանի Ելիզավետպոլի նահանգի Զանգեզուրի գավառում։

Գյուղն հարուստ է պղնձի պաշարներով, որը կազմում է Լենհանքերի շարունակությունը։ Պղնձահանքերը շահագործվում էին դեռևս 1850-ական թվականներից։ Ներկայումս գյուղի տարածքը ընդգրկված է Ղափան քաղաքի մեջ և գետնատակին մեծ հանքախործեր ունենալու պատճառով նոր կառուցումներ չեն կատարվում։

Բնակչություն

Բնակիչները հայեր էին։

Կավարտի ազգաբնակչության փոփոխությունը.

Տարի	1886	1907	1931
Բնակիչ	453	580	800

Տնտեսություն

Բնակչության հիմնական զբաղմունքը հանքագործությունն էր, մասսամբ՝ գյուղատնտեսությունը։

Պատմամշակութային կառույցներ

Գյուղում կա կանգուն XVII դարի քարակերտ, բավականին շքեղ եկեղեցին։

Կրթություն

Գյուղն ուներ միջնակարգ դպրոց, ակումբ, գրադարան։