Կառլիս Լոբե
Կառլիս Լոբե (լատիշ․՝ Kārlis Lobe, մարտի 26, 1895, Յաունպիենբելգի շրջան, Յաունպիեբալգայի շրջան, Լատվիա - հուլիսի 9, 1985, Ստոկհոլմ, Շվեդիա), լատվիացի ռազմական գործիչ, Լատվիայի կամավորական լեգեոնի շտանդարտենֆյուրեր, ռուսական և լատվիական բանակների սպա։
| Կառլիս Լոբե | |
|---|---|
| Kārlis Lobe | |
 | |
| մարտի 26, 1895 - հուլիսի 9, 1985 (90 տարեկան) | |
| Ծննդավայր | Յաունպիենբելգի շրջան, Ռուսական կայսրություն |
| Մահվան վայր | Ստոկհոլմ, Շվեդիա |
| Քաղաքացիություն |  Ռուսական կայսրություն  Լատվիա .svg){kind=small} Երրորդ Ռայխ  Շվեդիա |
| Կոչում | գնդապետ |
| Հրամանատարն էր | Իմանտական զորագունդ |
| Մարտեր/ պատերազմներ | Առաջին համաշխարհային պատերազմ |
| Պարգևներ |     և  |
Երիտասարդ տարիներին Կառլիսը կռվել է ընդդեմ խորհրդային կարմիր բանակի, իսկ հետո նշանակվել Հեռավոր Արևելքում կռվող «Իմանտա» զորագնդի ռազմահրամանատար։ Այնուհետև ծառայության է անցել Լատվիայի բանակում, որից հետո ղեկավարել է վենտսպիլյան երկրորդ շտաբը։
Երկրորդ համաշխարհային պատերազմի ընթացքում Կառլիսը զբաղեցրել է Լատվիայում գերմանացի նացիստների կողմից ստեղծված տարբեր զինվորական կազմավորումների բարձր պաշտոններ։ Մինչև 1941 թվականի օգոստոսի 29-ը գլխավորել է Վենտսպիլի պաշտպանական ուժերը, ապա նաև 280-րդ ոստիկանական գումարտակը։
Ավելի ուշ նշանակվել է 43-րդ նռնակաձգային գնդի հրամանատար։ Շատ աղբյուրներ պնդում են, որ Կառլիս Լոբեն մասնակցել է Լատվիայում հրեաների նկատմամբ իրականացվող պատժիչ գործողություններին և զանգվածային սպանություններին։ Սակայն այս փաստը լիովին ապացուցված չէ։
Եղել է Շվեդիայում հիմնադրված «Դաուգավի ճուռակ» լատիշական ազգայնամոլական շարժման հիմնադիրը։