Կամավորի երգացանկը
«Կամավորի երգացանկը» (ռուս.՝ «Плейлист волонтёра»), ռեժիսոր Մաքսիմ Սվեշնիկովի ռուսական դրամատիկական սերիալը որոնողական ջոկատների կամավոր մասնակիցների կյանքի մասին, որը նկարահանվել է Արտյոմ Լյաշենկոյի համանուն գրքի հիման վրա[1]։ Գլխավոր դերը կատարել է Իվան Յանկովսկին։ Սերիալի արտադրությամբ զբաղվել են Okko առցանց կինոթատրոնը և Vita Aktiva պրոդյուսերական ընկերությունը։ Պրեմիերան կայացել է 2023 թվականի մայիսի 18-ին Okko առցանց կինոթատրոնում։
Կամավորի երգացանկը | |
|---|---|
 | |
| Ժանր | դրամա |
| Երկիր |  Ռուսաստան |
| Լեզու | ռուսերեն |
| Ռեժիսոր | Մաքսիմ Սվեշնիկով |
| Գլխավոր դերերում | Իվան Յանկովսկի |
| Եթերաշրջանների քանակ | 1 |
| Սերիաների քանակ | 8 |
| Պաշտոնական կայքէջ | |
Սերիալը ստացել Է Original+ փառատոնի 4 մրցանակ՝ «ԶԼՄ-ների ժյուրիի գլխավոր մրցանակ», «Լավագույն օրիգինալ դերասան» (Իվան Յանկովսկի), «Լավագույն օրիգինալ երաժշտություն», «Հատուկ մրցանակ Ռուսաստանի քասթինգ-տնօրենների գիլդիայի կողմից» (Մարիա Գալակտիոնովա) անվանակարգերում[2]։
Սյուժե խմբագրել
Միխայիլ Շտապիչը 25-ամյա երիտասարդ է, որը ոչ ընտանիք ունի, ոչ էլ կարիերա։ Նա ամուսնալուծված է, նախկին կինը վեցամյա որդուն դաստիարակում է մեկ այլ տղամարդու հետ։ Սերիալը սկսվում է որոնողական գործողությամբ. Շտապիչն անհետացել է, և կամավորների ջոկատները ձեռնամուխ են լինում նրա որոնմանը։ Երկաթուղային կայարանում՝ երկաթգծերից ոչ հեռու, ոստիկանը գտնում է պառկած Շտապիչին և կարծում է, որ նա մահացած է։ Բայց երիտասարդը ուժեղ ալկոհոլային հարբածություն ունի և չի հիշում, թե ինչ է եղել անցած գիշեր։ Որոնումների ավարտի և բուժկետ այցելությունից հետո Շտապիչը զրուցում է կամավորների հետ, որոնք զբաղվել են իր որոնումներով և հետաքրքրվում է այդ գործունեությամբ։
Փորձելով պարզել, թե ինչ է տեղի ունեցել իր անհետացումից առաջ, Շտապիչը միանում է հաջորդ անհայտ կորածի որոնումներին և ներքաշվում որոնողական ջոկատների աշխատանքի մեջ։ Ժամանակ առ ժամանակ նա հաջողության է հասնում կորած մարդկանց որոնման մեջ և նրանց գտնում է մերթ կենդանի, մերթ մեռած։ Սովորական կամավորից նրան արագ տեղափոխում են որոնման համակարգողների շարքը։ Որոնողական աշխատանքներին զուգահեռ նա տեղեկանում է կամավորների փոխհարաբերությունների մասին։ Նրանցից շատերը հարաբերությունների մեջ են միմյանց հետ, չնայած ոչ բոլորն են բարձրաձայնում դա։ Շտապիչն ինքն էլ միանգամից մի քանի ռոմանտիկ կապերի մեջ է ներքաշվում. նրա հարաբերությունները նախկին կնոջ հետ լավանում են, իսկ կամավոր աղջիկները նրան ուշադրության նշաններ են ցույց տալիս։ Բայց նրան հետաքրքրում է «Տիկնիկը»՝ մի գեղեցիկ երիտասարդ աղջիկ, որը վերջերս է միացել կամավորական շարժմանը։
Դերերում խմբագրել
| Դերասան | Դեր |
|---|---|
| Իվան Յանկովսկի | Միխայիլ Շտապիչ |
| Շամիլ Խամատով | Ժորա Ալեքսանդրովիչ |
| Եվգենյա Գրոմովա | Սոլովյովա |
| Արտյոմ Ֆեդոտով | Զիդ |
| Դմիտրի Չեբոտարյով | Խրուպկի |
| Դարյա Ռուդենոկ | Թաթարկա |
| Միլա Երշովա | Տիկնիկ |
| Մարինա Վասիլևա | Միլա |
| Ալեքսանդրա Ուրսուլյակ | Օսա |
| Մարգարիտա Ադաևա | Լյալյա |
| Եվգենյա Դմիտրիևա | Շտապիչի մայրը |
| Սոֆյա Դոնիանց | Օլեսյա |
| Վլադիմիր Աֆանասև | Դեմոն |
Սերիաների ցանկ խմբագրել
| № | Պրեմիերա |
|---|---|
| 1 | 18 մայիսի 2023 |
| 2 | 18 մայիսի 2023 |
| 3 | 25 մայիսի 2023 |
| 4 | 1 հունիսի 2023 |
| 5 | 8 հունիսի 2023 |
| 6 | 15 հունիսի 2023 |
| 7 | 22 հունիսի 2023 |
| 8 | 29 հունիսի 2023 |
Ստեղծման պատմություն խմբագրել
Հեղինակ և սցենարիստ Արտյոմ Լյաշենկոն քսաներեք տարեկանում որպես կամավոր միացել է «Լիզա Ալերտ» (ռուս.՝ «Лиза Алерт») որոնողական ջոկատին։ Մասնագիտությամբ լրագրող Լյաշենկոն արագորեն ներգրավվել է կամավորական շարժումներում և դարձել համակարգող։ Բավականաչափ պատմություններ և նյութեր հավաքելով՝ 2020 թվականին Լյաշենկոն գրել է «Կամավորի երգացանկը» գիրքը և հրատարակել այն Մրշավկո Շտապիչ կեղծանունով։ Ֆիլմում Մրշավկոն դարձել է Միխայիլ։ Լյաշենկոն հայտարարել է, որ գրքի վրա աշխատելիս ցանկացել է հասկանալ Լև Գումիլյովի էթնոգենեզի պասիոնարության տեսությունը[1]։ «Կամավորի երգացանկը» անվանումը հղում է բազմաժանր երաժշտությանը, որը հնչում է գլխավոր հերոսի ականջակալներում[3]։ Սկզբնաղբյուրում (գրքում) երգացանկում եղել է 55 երգ, որոնք համապատասխանում են գլուխների վերնագրերին[4][5]։
Ֆիլմի նկարահանումներն սկսվել են 2022 թվականի օգոստոսին։ Արտադրությամբ զբաղվել են Okko առցանց կինոթատրոնը և Vita Aktiva պրոդյուսերական ընկերությունը[6]։
Սաունդթրեք խմբագրել
| Կատարող | Երգ |
|---|---|
| AP$ENT | «Можно я с тобой» |
| Ալյոնա Շվեց | «Первое свидание» |
| Դարյա Վիարդո | «Бог в меня верит» |
| Дурной вкус | «Пластинки» |
| Пикник | «Кем бы ты ни был» |
| Гипнобаза | «Вечеринка никогда» |
| Электроцой[7] | «Вечно» |
| Կատյա Լել | «Я по тебе скучаю» |
| Dead Blonde | «Мальчик на девятке» |
| Есть что сказать, Андрей Антонов | «Мы все под одним небом» |
| 25/17, Женя Ефимова | «Осень» |
| Մուրատ Նասիրով | «Кто-то простит» |
| Перемотка | «Я видел сон» |
| АукцЫон | «Глаза» |
| Ալլա Պուգաչովա | «Этот мир» |
Արձագանքներ խմբագրել
Սերգեյ Եֆիմովը («Комсомольская правда») «Ռեժիսոր Մաքսիմ Սվեշնիկովին հաջողվում է շատ ազնիվ ինտոնացիա պահել՝ մարդկային հոգու տխրությունը չվերածելով ոչ հիացմունքի առարկայի, ոչ էլ ձանձրացնող մենթորության պատճառի։ Այստեղ շատ տեղին է Իվան Յանկովսկին իր լակոնիկ ձևերով. նա կարծես սահմանում է դերասանական խաղի ընդհանուր «բարձրությունը»[4]։
Պավել Վորոնկով («Газета.ru»). «Էկրանավորումն ավելի շուտ հիշեցնում է կամավորական ընթացակարգ, ասես քաղաքացիական դետեկտիվ՝ դրամայի բավականին քաոսային ներառումներով իր ռուսական սերիալային իմաստով»[8]։
Վադիմ Բոգդանով (InterMedia). «Կամավորի երգացանկը» խելացիորեն համատեղում է խիստ սոցռեալիզմը, էմոցիոնալ ծանր պահերը որոնողական ջոկատների առօրյայում և շատ զավեշտալի դրվագներ դրանց ընդմիջումներում»[9]։
«Կամավորի երգացանկը» հայտնվել է 2023 թվականի լավագույն ռուսական սերիալների վարկանիշային ցանկում, որը կազմել է ԿինոՊոիսկի խմբագրությունը[10]։
Մրցանակներ և անվանակարգեր խմբագրել
- 2023 – Original+ փառատոնի 4 մրցանակ՝ «ԶԼՄ-ների ժյուրիի գլխավոր մրցանակ», «Լավագույն օրիգինալ դերասան» (Իվան Յանկովսկի), «Լավագույն օրիգինալ երաժշտություն», «Հատուկ մրցանակ Ռուսաստանի քասթինգ-տնօրենների գիլդիայի կողմից» (Մարիա Գալակտիոնովա)[2]
- 2023 – «Читка 2.0» էկրանավորումների փառատոնի հատուկ մրցանակ «Էկրանավորման համար նյութ ընտրելու համարձակության համար։ Հեռուստասերիալ» (ռուս.՝ «За смелость выбора материала для экранизации. Сериал»)[11]։
Ծանոթագրություններ խմբագրել
- ↑ 1,0 1,1 ««Плейлист волонтера»: почему это один из лучших сериалов о поиске пропавших без вести». Forbes.ru (ռուսերեն). 2023 թ․ մայիսի 31. Արխիվացված օրիգինալից 2023 թ․ հունիսի 27-ին. Վերցված է 2023 թ․ հունիսի 27-ին.
- ↑ 2,0 2,1 ««Актрисы» и «Плейлист волонтера» стали лучшими на фестивале Original+». InterMedia. 2023 թ․ մարտի 16.
- ↑ ««Работаем на отклик». В конце июня выйдет финальный эпизод сериала «Плейлист волонтера». Рассказываем о картине». Новая газета Европа. 2194 թ․ փետրվարի 26. Արխիվացված օրիգինալից 2023 թ․ հունիսի 28-ին. Վերցված է 2023 թ․ հունիսի 27-ին.
- ↑ 4,0 4,1 «Потерял, себя я потерял: Иван Янковский в сериале «Плейлист волонтера»». Комсомольская правда. 2023 թ․ մայիսի 23. Արխիվացված օրիգինալից 2023 թ․ հունիսի 28-ին. Վերցված է 2023 թ․ հունիսի 28-ին.
- ↑ Алексей Рогожин (2020 թ․ դեկտեմբերի 21). «Потеряшка-реализм: о книге про поисковиков из «ЛизыАлерт»». «Горький». Արխիվացված օրիգինալից 2021 թ․ հոկտեմբերի 24-ին. Վերցված է 2023 թ․ հունիսի 27-ին.
- ↑ Константин Ляпунов (2022 թ․ օգոստոսի 25). «Начались съемки сериала Okko с Иваном Янковским в главной роли». Lenta.ru.
- ↑ Юлиана Прус, Юрий Скородумов (2023 թ․ մայիսի 28). «Музыка архангельской группы попала в саундтрек к новому сериалу с Иваном Янковским». 29.ru.
- ↑ Павел Воронков (2023 թ․ մայիսի 18). ««Плейлист волонтера»: Иван Янковский ищет пропавших по болотам — и себя по жизни». Газета.ru. Արխիվացված օրիգինալից 2023 թ․ մայիսի 23-ին. Վերցված է 2023 թ․ հոկտեմբերի 2-ին.
- ↑ Вадим Богданов (2023 թ․ մարտի 17). «Рецензия на сериал «Плейлист волонтёра»: Здоровый человек». InterMedia. Արխիվացված օրիգինալից 2023 թ․ ապրիլի 10-ին. Վերցված է 2023 թ․ հոկտեմբերի 2-ին.
- ↑ «Лучшие российские сериалы — 2023: выбор Кинопоиска». Кинопоиск. 2023 թ․ դեկտեմբերի 15.
- ↑ «Фестиваль экранизаций «Читка 2.0» назвал лауреатов». Бюллетень кинопрокатчика. 2023 թ․ նոյեմբերի 26.