Ծովինար Բեքարյան
- Վիքիպեդիայում կան հոդվածներ Բեքարյան ազգանունով այլ մարդկանց մասին։
Ծովինար Արայի Բեքարյան (փետրվարի 23, 1940, Լենինգրադ, ՌԽՖՍՀ, ԽՍՀՄ), հայազգի նկարչուհի, Ռուսաստանի նկարիչների և Սանկտ Պետերբուրգի ակվարելիստների միության անդամ։
Ծովինար Բեքարյան | |
|---|---|
| Ի ծնե | Ծովինար Բեքարյան |
| Ծնվել է | փետրվարի 23, 1940 |
| Ծննդավայր | Լենինգրադ ԽՍՀՄ  |
| Ազգություն | հայ |
| Քաղաքացիություն |  Ռուսաստան |
| Մասնագիտություն | նկարչուհի |
| Ակտիվ շրջան | 1964 - առայժմ |
| Հայր | Արա Բեքարյան |
Կենսագրություն խմբագրել
Ծովինար Բեքարյանը ծնվել է 1940 թվականին Լենինգրադում, նկարիչներ Արա և Դիա Բեքարյանների ընտանիքում։ Երկրորդ Համաշխարհային պատերազմի տարիներին մոր հետ տարհանվել է Լենինգրադից Սարատովի շրջան, իսկ հետո կարճ ժամանակով տեղափոխվել Հայաստան։ Պատերազմի ավարտից հետո վերադարձել են Լենինգրադ։ Մորը կորցրել է վաղ տարիքում։ Սկզբում ավարտել է Ռեպինի անվան գեղարվեստի ինստիտուտին կից դպրոցը, իսկ 1964 թվականին Գեղարվեստի ակադեմիայի գեղանկարի բաժինը (Ա․ Ա․ Միլնիկովի արվեստանոց)։ Ավարտական տարուց սկսել է ցուցադրվել։ Մասնակցել է Ռուսաստանի և արտասահմանյան բազմաթիվ ցուցահանդեսների[1][2]։
Ստեղծագործական կյանք խմբագրել
Մասնակցում է «Պետերբուրգի հոգին» (ռուս.՝ Душа Петербурга), «Պետերբուրգի գեղեցկուհի» (ռուս.՝ Петербургская красавица), Պետերբուրգի սպիտակ գիշերները[3][4] (ռուս.՝ Белые ночи Петербурга), Պետերբուրգյան կավճաներկ (ռուս.՝ Петербургская пастель), «Պետերգոֆի պալատներն ու զբոսայգիները կավճարվեստում»[5] (ռուս.՝ Дворцы и парки Петергофа в искусстве пастели) նախագծերին։ Տարբեր պատկերասրահներում ունեցել է յոթ անհատական ցուցահանդես[6]։ Ծովինար Բեքարյանը դասավանդում է StArt_Ակադեմիայում ակադեմիայում[7]։
Անդամություն խմբագրել
- Նկարիչների միության Լենինգրադյան բաժանմունքի անդամ (1964),
- ԽՍՀՄ նկարիչների միության անդամ (1966),
- Ռուսաստանի նկարիչների միության անդամ (1968),
- Սանկտ Պետերբուրգի ակվարելիստների միության անդամ (1998),
Նկարները ցուցադրվում են խմբագրել
Ծովինար Բեքարյանի ստեղծագործությունները մշտական ցուցադրվում են մի շարք պատկերասրահներում և թանգարաններում։
- Տրետյակովյան պատկերասրահ,
- Ռուսական թանգարան,
- Սանկտ Պետերբուրգի պատմության թանգարան,
- Վոլոգդայի պատկերասրահ,
- Կոմսոմոլսկ Ամուրի կերպարվեստի թանգարան,
- Նովգորոդի Պետական միացյալ թանգարան-արգելոց,
- Պսկովի Պետական թանգարան-արգելոց,
- Բուլղարիայի, Գերմանիայի, Ռումինիայի ԱՄՆ, Ֆրանսիայի մասնավոր հավաքածուներ։
Ծանոթագրություններ խմբագրել
- ↑ Старый старый шкаф Дзовинар Бекарян (Живопись, графика) (ռուս.)
- ↑ Дзовинар Бекарян «Мой милый, милый, старый дом» (ռուս.)
- ↑ Дзовинар Бекарян «Этюды в пастельных тонах»(չաշխատող հղում) (ռուս.)
- ↑ saint-petersburg (ռուս.)
- ↑ Этюды в пастельных тонах Արխիվացված 2012-09-12 Wayback Machine (ռուս.)
- ↑ «http://starina.info/». Արխիվացված է օրիգինալից 2014 թ․ մայիսի 29-ին. Վերցված է 2014 թ․ հունիսի 3-ին.
{{cite web}}: External link in|title= - ↑ StArt_Ակադեմիայի մասին(չաշխատող հղում) (ռուս.)
Արտաքին հղումներ խմբագրել
- ««Беседы с художниками» Дзовинар Бекарян - Видео - Музей искусства Санкт-Петербурга XX-XXI веков». mispxx-xxi.ru. Վերցված է 2023 թ․ սեպտեմբերի 9-ին.