Ծովայինների Վալենտինի նվեր
Ծովայինների Վալենտինի նվեր (անգլ.՝ Sailor's valentine), հուշանվեր, պատրաստված մեծ քանակությամբ խեցիներից։ Անունը ծագել է Վալենտինի բացիկների նմանությամբ, որոնք նվիրում են սիրած մարդկանց Սուրբ Վալենտինի օրը։ Ստեղծման տարեթիվը հայտնի չէ, բայց հայտնի է, որ սկսել է օգտագործվել 1830-1890 թվականներին։ Ծովայինները նվիրել են իրենց հարազատներին և սիրելիներին[1]։ Ծովայինների Վալենտինի նվերների մեծ մասը պատրաստվել են Բարբադոս կղզում, որը երկար ժամանակ կարևոր ծովային նավահանգիստ էր։ Ըստ պատմաբանների բարբադոսցի կանայք նվերները պատրաստել են տեղական և Ինդոնեզիայից ներկրված ծովային խեցիներից[1]։
Ջոն Ֆոնդասը Ծովայինների Վալենտինի նվեր (անգլ.՝ Sailors' Valentines) իր գրքում, գրել է որ տվյալ հուշանվերները հիմնականում վաճառվել են Բելգրեյվ եղբայրներին պատկանող Բրիջթաունի Նոր հուշանվերների խանութում[2]։
Ծովայինների Վալենտինի նվերը հիմնականում ութանկյուն ապակեպատ փայտյա տուփ է 20-40 սմ լայնությամբ։ Ապակու տակ բազմագույն ծովային խեցիներից հավաքված է, որպես կանոն սիմետրիկ նկար։ Մեծ մասամբ պատկերի կենտրոնում «քամիների վարդ» և «սիրտ» պատկերներն են։ Շատ դեպքերում նկարի կենտրոնում սիրային ուղերձ է գրված։
Այժմ ծովայինների Վալենտինի նվերները հավաքորդության առարկա են և վաճառվում են հուշանվերների խանութներում[3]։ Վալենտինի նվերների մեծ հավաքածու ունի ԱՄՆ Մասաչուսեթսի «Նանտակետ» թանգարանը։
Ծանոթագրություններ
խմբագրել- ↑ 1,0 1,1 Fondas, John. Sailors' Valentines, Rizzoli International Publications, 2002
- ↑ See also Norma Faria, «Scrimshaw Art in Bequia», Caribbean Compass, March 1998
- ↑ Constance Marshall Miller, Mary S. Page, Ann T. Schutt, and Grace L. Madeira, Sailors' Valentines: Their Journey Through Time, Schiffer Publishing, 2006