Բացել գլխավոր ցանկը

Խորհրդային Միության կոմունիստական կուսակցության համագումար

Խորհրդային Միության կոմունիստական կուսակցություն

Խորհրդային Միության կոմունիստական կուսակցության համագումար, կուսակցության բարձրագույն մարմին։ Հրավիրում է Կենտկոմը ոչ պակաս քան հինգ տարին մեկ անգամ։ Հրավիրումը և օրակարգը հայտարարվում են համագումարից մեկուկես ամիս առաջ։ Արտահերթ համագումարներն հրավիրվում են ԽՄԿԿ Կենտկոմի նախաձեռնությամբ կամ կուսակցական վերջին համագումարում ներկայացված կուսակցության անդամների ընդհանուր թվի առնվազն մեկ երրորդի պահանջով։ Համագումարը վավերական է համարվում, եթե նրանում ներկայացված է կուսանդամների առնվազն կեսը։ ԽՄԿԿ համագումարը լսում և հաստատում է կուսակցության Կենտկոմի, Կենտրոնական վերստուգիչ հանձնաժողովի (ԿՎՀ) և կենտրոնական մյուս կազմակերպությունների հաշվետվությունները, անհրաժեշտության դեպքում վերանայում, փոփոխում և հաստատում է կուսակցության ծրագիրն ու կանոնադրությունը, որոշում կուսակցության գիծը ներքին և արտաքին քաղաքականության հարցերում, քննարկում և լուծում կոմունիստական շինարարության կարևորագույն հարցերը, ընտրում ԽՄԿԿ Կենտկոմն ԿՎՀ։ Ընտրությունները փակ (գաղտնի) քվեարկությամբ են։ Համագումարի որոշումների կատարումը պարտադիր է կուսակցական բոլոր կազմակերպությունների կուսակցության անդամների և անդամության թեկնածուների համար։ Հիմնադրման ժամանակից (1898) ԽՄԿԿ ունեցել է 26 համագումար։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 534 CC-BY-SA-icon-80x15.png