Խաչատուր Վարդանյան
- Վիքիպեդիայում կան հոդվածներ Վարդանյան ազգանունով այլ մարդկանց մասին։
Խաչատուր Ռաֆիկի Վարդանյան (հունիսի 28, 1956, Երևան, Հայկական ԽՍՀ, ԽՍՀՄ), ՀՀ պետական գործիչ։
| Խաչատուր Վարդանյան | |
|---|---|
| Ծնվել է | հունիսի 28, 1956 (68 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Երևանի պետական համալսարան |
| Մասնագիտություն | քաղաքական գործիչ |
| Կուսակցություն | Հայաստանի Հանրապետական կուսակցություն |
Կրթություն
խմբագրել- 1973-1978 թթ. - սովորել և ավարտել է Երևանի պետական համալսարանի պատմափիլիսոփայական ֆակուլտետը՝ պատմաբան-հասարակագետի որակավորմամբ։
Աշխատանքային գործունեություն
խմբագրել- 1978-1986 թթ. - եղել է Երևանի պետական համալսարանի դասախոս, դասավանդել է նաև Երևանի Կ. Մարքսի անվան պոլիտեխնիկական ինստիտուտում, եղել է Գլխավոր արխիվային վարչության, գիտությունների ակադեմիայի գիտաշխատող։
- 1986-1988 թթ. - ծառայել է ՀԽՍՀ Ներքին գործերի մինիստրության համակարգում։
- 1988-1990 թթ. - ՀԿԿ Երևանի քաղկոմի գիտության և ուսումնական հաստատությունների բաժնի հրահանգիչ։
- 1990-1993 թթ. - Երևանի քաղաքային խորհրդի գործադիր կոմիտեի նամակների և դիմում-բողոքների բաժնի վարիչ, ապա՝ ընտրվել է Երքաղխորհրդի գործկոմի քարտուղար։
- 1993-1995 թթ. - ՀՀ Նախագահի վերահսկողական ծառայության պետի տեղակալ, ապա՝ բաժնի վարիչ։
- 1996 թ. - աշխատել է ՀՀ Ազգային ժողովի աշխատակազմում։
- 1997-1998 թթ. - Անշարժ գույքի պետական կադաստրի վարչության պետի տեղակալ։
- 1998-1999 թթ. - ՀՀ Ազգային ժողովի քարտուղարության պետի տեղակալ-գրասենյակի վարիչ։
- 1999-2000 թթ. - ՀՀ կառավարության աշխատակազմի ՀՀ վարչապետի վերահսկողության ծառայության պետի տեղակալ։
- 2000-2001 թթ. - ՀՀ Պետական եկամուտների նախարարության վերահսկողության վարչության պետի տեղակալ։
- 2001-2002 թթ. - ՀՀ կառավարության աշխատակազմի սոցիալական հարցերի վարչության պետի տեղակալ։
- 2002 թ. - ՀՀ կառավարության աշխատակազմի տարածքային կառավարման և տեղական ինքնակառավարման վարչության պետի տեղակալ։
- 2002 թ. նոյեմբերին ՀՀ վարչապետի որոշմամբ նշանակվել է ՀՀ կառավարության աշխատակազմի տարածքային կառավարման և տեղական ինքնակառավարման վարչության պետ
- 2008 թ. հունիսի 26-ին ՀՀ վարչապետի որոշմամբ նշանակվել է Հայաստանի Հանրապետության կառավարության աշխատակազմի քաղաքացիների ընդունելության և դիմումների քննարկման վարչության պետ (քաղաքացիական ծառայողի կարգավիճակով)՝ ազատվելով Հայաստանի Հանրապետության կառավարության աշխատակազմի տարածքային կառավարման և տեղական ինքնակառավարման վարչության պետի պաշտոնից[1]։
- 2008 թ. հուլիսի 11-ին ՀՀ վարչապետի որոշմամբ ազատվել է Հայաստանի Հանրապետության կառավարության աշխատակազմի քաղաքացիների ընդունելության և դիմումների քննարկման վարչության պետի պաշտոնից՝ իր դիմումի համաձայն[2]։
- 2008 թ. հուլիսին ՀՀ վերահսկիչ պալատի խորհրդի որոշմամբ նշանակվել է Հայաստանի Հանրապետության վերահսկիչ պալատի գլխավոր աուդիտոր։
Հասարակական և քաղաքական գործունեություն
խմբագրել- Հայաստանի հանրապետական կուսակցության խորհրդի անդամ։
- 2006 թ. Խաչատուր Վարդանյանի նախաձեռնությամբ Ներքին Չարբախում կառուցվել է Սուրբ Խաչ եկեղեցին։
Ամուսնացած է, ունի երկու որդի։
Ծանոթագրություններ
խմբագրել- ↑ «Խ. ՎԱՐԴԱՆՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅԱՆ ԵՎ ԴԻՄՈՒՄՆԵՐԻ ՔՆՆԱՐԿՄԱՆ ՎԱՐՉՈՒԹՅԱՆ ՊԵՏ ՆՇԱՆԱԿԵԼՈՒ ՄԱՍԻՆ». Արխիվացված է օրիգինալից 2019 թ․ հունիսի 23-ին. Վերցված է 2015 թ․ հոկտեմբերի 5-ին.
- ↑ «Խ. ՎԱՐԴԱՆՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅԱՆ ԵՎ ԴԻՄՈՒՄՆԵՐԻ ՔՆՆԱՐԿՄԱՆ ՎԱՐՉՈՒԹՅԱՆ ՊԵՏԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ». Արխիվացված է օրիգինալից 2019 թ․ հունիսի 23-ին. Վերցված է 2015 թ․ հոկտեմբերի 5-ին.