Խադաբա

Խադաբա (արաբերենից թարգմանաբար՝ սարահարթ), բնակելի շրջան Եգիպտոսի Շարմ էլ Շեյխ քաղաքում։ Գտնվում է քաղաքի հարավ-արևմտյան հատվածում՝ Կահիրե գնացող միջպետական ճանապարհին։ Ընկած է Նաամա բեյի և Շարմ էլ Մայայի միջև։ Գտնվում է բարձրունքի վրա։ Իր աշխարհագրական դիրքով ավելի բարձր է, քան Հին քաղաքը։ Ափամերձ հատվածը ժայռոտ է, իսկ լողափերը կորալային, որոնք ողողվում են Շարմ էլ Մայայի և Ռաս Ում Սիդի ծովախորշերի ջրերով։

Խադաբայի ժայռոտ ափը Շարմ էլ Մայայի ծովախորշի մոտ։

2004 թվականի հունվարի 3-ին Աքաբայի ծովածոցում տեղի ունեցած ավիավթարի զոհերին նվիրված հուշարձան։

Խադաբայի տեղում նախկինում եղել է հին զինվորական կայազոր, որը քաղաքում 1960-ական թվականներին տեղակայել էր Եգիպտոսի նախագահ Գամալ Աբդել Նասերը։ Ներկայումս այն բնակելի շրջան է, որտեղ տեղակայված են ինչպես հյուրանոցներ, այնպես էլ բնակելի տներ։ Խադաբայի ափի երկայնքով, դեպի Ռաս Ում Սիդ ծովախորշը, նոր, ժամանակակից քաղաքային ենթակառուցվածքներ են. հյուրանոցներ, խանութներ, ռեստորաններ, զվարճանքի տարբեր օբյեկտներ։ Գլխավոր տեսարժան վայրերի թվում են փարոսի աշտարակը, «1001 գիշեր» զվարճանքի համալիրը, դելֆինարիումը, ակվապարկը, Իլ Մերկատո առևտրային շրջանը, որտեղ գտնվում է նաև «Virgin Group» խանութը, ինչպես նաև 2004 թվականի հունվարի 3-ին Աքաբայի ծովածոցում տեղի ունեցած ավիավթարի զոհերին նվիրված հուշարձանը։

Բնակելի տները երկու, երբեմն նաև, երեք հարկանի շենքեր են, որոնք հիմնականում կառուցվել են մի քանի տասնամյակ առաջ։ Դրանք միանման են, բաժանված մի քանի բնակարանների։ Շրջանում կա գործող մզկիթ։

Խադաբայի ափերը ժայռոտ են։ Ծովին հասնելու համար երբեմն անհրաժեշտ է օգտվել աստիճաններից։ Խադաբայում լողափերը մեծամասամբ կորալային են։ Ափամերձ հատվածը ծանծաղ է, իսկ ափից մոտ հարյուր մետր հեռավորությունից սկսվում է խորությունը։ Շրջանում դայվերները հետևում են ստորջրյա աշխարհի կյանքին։

Հյուրանոցներ

Խադաբայում կա մոտ 50 հյուրանոց, որոնց մեծ մասը 3 և 4 աստղանի են (եգիպտական չափանիշներով, ոչ միջազգային)։ Սակայն առաջին գծում (ծովի ափին) գտնվող հյուրանոցների մեծ մասը ժամանակակից են և առաջնակարգ։

5* Diamond Beach Resort Hilton Sharm Waterfalls Resort  Royal Grand Sharm Hotel  Queen Sharm Vera Club Reef Oasis Beach Resort Ritz Carlton — 5*+ Shores Amphoras (նախկին՝ Holiday Inn Amphoras Resort) Sunrise Diamond Beach Grand Hotel Sharm Iberotel Il Mercato Regency Plaza Aqua Park and Spa Resort Renaissance Golden View Beach Resort 4* Aloha Mariclub & Resort (Shores Aloha) Aqua Blu (Bora Bora Aqua Park)&nbsp Club Faraana Coral Hils Country Club Delta Sharm Dive Inn Swiss Resort Dreams Beach & Vacation Golden View Resort Iberotel Club Fanara & Residence Mexicana Resort Reef Oasis Palms Resort Regina Sharm Resta Club Royal Paradise Sabena Marmara (Casablanca) Sharming Inn Sol Verginia Thre Conners St. George

3* Aida Beach Hotel Amar Sina Egyptian Village Badavia Creative Cleopatra Tsokkos Cliff Top Helnan Desert View Falcon Hills Hotel Golden Sharm Horus Hotel La Perla Sharm Hotel Mercure Luna Ocean Club Hotel Palermo Regency Travel (Club) Rock Sharm Inn Amarein Sharm Life (Ocean Lodge) Sunrise Sunset Sharm Tropicana Tivoli Hotel Uni Sharm Viva Sharm (նախկին՝ Falcon Inn Viva Sharm Hotel)