Լև Յաշինի հուշարձաններ (Մոսկվա)
Լև Յաշինի հուշարձաններ (ռուս.՝ Памятники Льву Яшину), հուշարձաններ Ռուսաստանի Դաշնության մայրաքաղաք Մոսկվայում, որոնք նվիրված են խորհրդային անվանի ֆուտբոլիստ, դարպասապահ Լև Իվանովիչ Յաշինին։
 | |
|---|---|
| Տեսակ | հուշարձան |
| Երկիր |  Ռուսաստան |
| Բնակավայր | Մոսկվա |
| Շինության ձև | Քանդակ |
| Ներկա վիճակ | Կանգուն |
Մոսկվայում կա նրան նվիրված երեք հուշարձան՝ «Դինամո» մարզադաշտի մոտ, «Լուժնիկիում» և Վագանկովյան գերեզմանատանը։
Հուշարձաններ
խմբագրելՀուշարձան «Դինամո» մարզադաշտի մոտ
խմբագրել
Տեղադրվել է 1999 թվականին՝ հյուսիսային տրիբունայի կողքին։ Ձուլված է բրոնզից։ Քանդակագործն է Ալեքսանդր Ռուկավիշնիկովը։
Հուշարձանի բացման հանդիսավոր արարողությունը, որին մասնակցում էին Մոսկվայի քաղաքապետ Յուրի Լուժկովը, ՌԴ վարչապետ Սերգեյ Ստեպաշինը, ռուս մի շարք անվանի մարզիկներ, տեղի է ունեցել շաբաթ օրը՝ 1999 թվականի հոկտեմբերի 23-ին, և հարմարեցված էր լեգենդար դարպասապահի 70-ամյակին[1]։
«Քարե նետի պես դարպասապահը թռչում է դեպի երկինք-հավերժություն։ Մատների ծայրերով նա հասնում է գնդակին, որից անձրևն ընկնում է խոտին, որտեղ դողալով մրսում են մեխակները։ Կարմիր, սպիտակ, վարդագույն»,- այսպես է արձանը նկարագրել Ռուսաստանի առաջատար մարզական թերթերից մեկի հոդվածագիրը[2]։ Լև Յաշինը պատկերված է թռիչքի մեջ դեպի «իննյակը» սլացող գնդակը հետ մղելիս։ Սակայն քանդակն առաջացնում է ոչ միարժեք արձագանքներ։ Ոմանց համար անհասկանալի է, թե ինչու է բրոնզե Յաշինը փորձում հետ մղել այն գնդակը, որն ընդհանրապես չի թռչում դեպի դարպասը։ Դարպասն էլ տարօրինակ տեսք ունի[3]։
2010 թվականին «Դինամո» մարզադաշտը վերակառուցելու պատճառով արձանը տեղափոխվել է կենտրոնական ծառուղի, որը մետրոպոլիտենի «Դինամո» կայարանի մուտքից տանում է դեպի հարավային տրիբունա։
2014 թվականին Ռիո դե Ժանեյրոյում բացվել է Ռուսաստանի տուն, որի տարածքում տեղադրվել է դարպասապահ Լև Յաշինի մոսկովյան հուշարձանի կրկնօրինակը[4]։
Հուշարձան «Լուժնիկիում»
խմբագրելՀուշարձանը տեղադրվել է 1997 թվականին՝ Ռուսաստանի ականավոր մարզիկների ծառուղում։ Հեղինակն է քանդակագործ Ալեքսանդր Ռուկավիշնիկովը[5]։
Հուշարձան Վագանկովյան գերեզմանատանը
խմբագրելՔանդակագործն է Վյաչեսլավ Կլիկովը[6]։
Ծանոթագրություններ
խմբագրել- ↑ Газета «Коммерсантъ» № 196(1840) от 26.10.1999
- ↑ Статья в Советском спорте от 18 ноября 2008 года. № 172-В(17680)
- ↑ «Статья в Новых Известиях. 29 февраля 2008 года, «Звёзды в бронзе. Как увековечивают память героев спорта». Александр Кочетков, Андрей Симонено». Արխիվացված է օրիգինալից 2008 թ․ մայիսի 1-ին. Վերցված է 2018 թ․ ապրիլի 7-ին.
- ↑ «В Доме России в Рио спели калинку-малинку и пообещали снег». Վերցված է 2018 Ապրիլ 7-ին.
- ↑ Фотография на сайте mosday.ru
- ↑ Видео на rutube(չաշխատող հղում)