Լև Բորոդուլին
Լև Բորոդուլին (ռուս.՝ Лев Абрамович Бородулин, հունվարի 25, 1923[1], Մոսկվա, ԽՍՀՄ - դեկտեմբերի 21, 2018), խորհրդային և իսրայելցի լուսանկարիչ, սպորտային լուսանկարչության վարպետ։
| Լև Բորոդուլին | |
|---|---|
| Ծնվել է | հունվարի 25, 1923[1] |
| Ծննդավայր | Մոսկվա, ԽՍՀՄ |
| Մահացել է | դեկտեմբերի 21, 2018 (95 տարեկան) |
| Քաղաքացիություն |  ԽՍՀՄ և  Իսրայել |
| Մայրենի լեզու | ռուսերեն |
| Մասնագիտություն | լուսանկարիչ |
| Պարգևներ և մրցանակներ |  և  |
| Կայք | borodulincollection.com |
Կենսագրություն
խմբագրել1940 թվականին ընդունվել է Մոսկվայի պոլիգրաֆիական ինստիտուտի գեղարվեստական բաժանմունք, բայց մեկ տարի անց գնացել է ռազմաճակատ։ Մասնակցել է պատերազմին, երկու անգամ լուրջ վիրավորվել է, պարգևատրվել է «Մոսկվայի պաշտպանության համար» և «Բեռլինի գրավման համար» մեդալներով։ Պատերազմից հետո վերադարձել է ինստիտուտ` ավարտելու ուսումը։
Լուսանկարչությամբ սկսել է զբաղվել ինստիտուտն ավարտելուց հետո։ Առաջին հրապարակումը կայացել է 1947 թվականին «Ստալինյան տպագրիչ» ուսանողական թերթում։
1950-1960 թվականներին աշխատել է որպես լուսանկարիչ «Օգոնյոկ» ամսագրի խմբագրությունում։ Լուսանկարել է սպորտային մրցումներ, այդ թվում նաև` խոշոր միջազգային մրցումներ, որոնք անցկացվում էին սահմանից դուրս։
«Օգոնյոկի» շապիկին պատկերված լուսանկարը[2], որը նվիրված էր Ամառային օլիմպիական խաղեր 1960-ին, խիստ քննադատվել է Միխայիլ Սուսլովի կողմից, որի հոդվածը որպես «ընթերցողի նամակ» տպագրվել է «Պրավդա» թերթում[3]։
Նա ԽՍՀՄ-ի առաջին լուսանկարիչն է, ով օգտագործել է «ձկան աչք» օբյեկտիվը[4]։
«Photography Year Book»-ը 1964 թվականին Լև Բորոդուլինին ճանաչել է լուսանկարչության համաշխարհային «աստղ»։ 1967 թվականին «Ասախի» ճապոնական թերթը Լև Բորոդուլինին ճանաչել է տարվա լավագույն լուսանկարիչ։ 1971 թվականին Մյունխենում Լև Բորոդուլինը պարգևատրվել է օլիմպիական ոսկե մեդալով` սպորտային լուսանկարչության ոլորտում կատարած նվաճումների համար։
1973 թվականին տեղափոխվել է Իսրայել, ապրել է Թել Ավիվում, որտեղ շարունակել է լուսանկարչի աշխատանքը։
Բորոդուլինի լուսանկարները աճուրդով վաճառվել են Սոթբիսում, Քրիստիսում, «Bonhams»-ում, «Swann»-ում։
Լինելով Իսրայելում, Բորոդուլինը հռչակվել է որպես հաջող կոլեկցիոներ, որդու` Ալեքսանդրի հետ ստեղծել է «Borodulin Collection» հիմնադրամը, որը խորհրդային դասական լուսանկարների ամենախոշոր ժողովածուներից մեկն է աշխարհում, որտեղ ներկայացված են խորհրդային լուսանկարչության հետևյալ վարպետների աշխատանքները` Ալեքսանդր Ռոդչենկո, Արկադի Շայխեթ, Եվգենի Խալդեյ, Յակով Խալիպ, Սամարի Գուրարիյ, Մաքս Ալպերտ, Գեորգի Զելմա, Յակով Ռյումկին և ուրիշներ։
Մահացել է 2018 թվականի դեկտեմբերի 21-ին[5]։
Ծանոթագրություններ
խմբագրել- ↑ 1,0 1,1 Photographers’ Identities Catalog
- ↑ «С вышки. 1960». Արխիվացված օրիգինալից 2008 թ․ նոյեմբերի 20-ին. Վերցված է 2008 թ․ փետրվարի 26-ին.
- ↑ «Лев Бородулин - звезда мировой спортивной фотографии». russpressphoto.ru. Արխիվացված օրիգինալից 2023 թ․ հունիսի 30-ին. Վերցված է 2023 թ․ հունիսի 30-ին.
- ↑ «Лев Бородулин. «The Lion of Soviet Photography»». Արխիվացված օրիգինալից 2012 թ․ դեկտեմբերի 2-ին. Վերցված է 2007 թ․ դեկտեմբերի 15-ին.
- ↑ «Умер спортивный фотограф Лев Бородулин». Коммерсантъ. 2018 թ․ դեկտեմբերի 23. Արխիվացված օրիգինալից 2018 թ․ դեկտեմբերի 24-ին. Վերցված է 2018 թ․ դեկտեմբերի 23-ին.
Արտաքին հղումներ
խմբագրել- «Լև Բորոդուլինի հավաքածուն». Արխիվացված օրիգինալից 2012 թ․ դեկտեմբերի 2-ին. Վերցված է 2007 թ․ դեկտեմբերի 25-ին.
- «Լև Բորոդուլինի 2007 թվականի ցուցահանդեսը Լոնդոնում». Արխիվացված է օրիգինալից 2012 թ․ դեկտեմբերի 2-ին. Վերցված է 2007 թ․ դեկտեմբերի 25-ին.
- ««Հրեաները` խորհրդային լուսանկարչության պիոներները» ցուցահանդես».
- «Լոնդոնը ներկայացնում է խորհրդա-իսրայելացի վարպետի լուսանկարը».
- «Ռուսական լուսանկարչության դասական երկերը։ Լև Բորոդուլին».
- «Լևի Մոսկովյան տուն ցուցահանդեսը բացել են պահեստազորայինները 80-ամյա «Օգոնկա» սպորտային լուսանկարչի` Լև Բորոդուլինի պատվին». Արխիվացված է օրիգինալից 2012 թ․ ապրիլի 10-ին. Վերցված է 2007 թ․ դեկտեմբերի 15-ին.
- «Լև Բորոդուլին. «The Lion of Soviet Photography»». Արխիվացված օրիգինալից 2012 թ․ դեկտեմբերի 2-ին. Վերցված է 2007 թ․ դեկտեմբերի 15-ին.