Լևոն Մկրտչյան (բժիշկ)

Անվան այլ կիրառումների համար տե՛ս՝ Լևոն Մկրտչյան (այլ կիրառություններ)

Լևոն Նիկիտի Մկրտչյան (մայիսի 8, 1938(1938-05-08), Գանձակ, Ադրբեջանական ԽՍՀ, ԽՍՀՄ), հայ ուռուցքաբան: Բժշկական գիտությունների դոկտոր (1971), պրոֆեսոր (1972): ՀՀ գիտության վաստակավոր գործիչ (1990): ՀԽՍՀ բժշկական գիտությունների ակադեմիայի նախագահ (1987), ՌԴ ԲԳԱ ակադեմիկոս (2005):

Լևոն Մկրտչյան
Ծնվել է	մայիսի 8, 1938(1938-05-08) (82 տարեկան)
Ծննդավայր	Գանձակ, Ադրբեջանական ԽՍՀ, ԽՍՀՄ
Քաղաքացիություն	ԽՍՀՄ  Հայաստան
Ազգություն	հայ
Կրթություն	Երևանի Մխիթար Հերացու անվան Պետական Բժշկական Համալսարան
Մասնագիտություն	բժիշկ և ուռուցքաբան
Գիտական աստիճան	բժշկական գիտությունների դոկտոր (1971) և պրոֆեսոր (1972)
Անդամակցություն	ԽՄԿԿ
Կուսակցություն	ԽՄԿԿ
Պարգևներ	Հայկական ԽՍՀ գիտության վաստակավոր գործիչ

Կենսագրություն

Լևոն Մկրտչյանը ծնվել է 1938 թվականին Կիրովաբադում: 1961 թվականին ավարտել է Երևանի բժշկական ինստիտուտը: 1961-1977 թվականներին աշխատել է Երևանի բժշկական ինստիտուտում, 1977-1999 թվականներին եղել է Ուռուցքաբանության գիտական կենտրոնի տնօրեն, 1999 թվականից՝ քաղցկեղի կանխարգելման լաբորատորիայի վարիչ, 2000 թվականից՝ Երևանի պետական բժշկական համալսարանի պրիոնային լաբորատորիայի ղեկավար: Զբաղվում է չարորակ նորագոյացությունների կանխարգելման և բուժման հարցերով: Ստեղծել է բազմարժեք սաղմնային հակաուռուցքային պատվաստանյութ: 1982-1991 թվականներին եղել է ՀԽՍՀ բժշկական գիտական ընկերությունների խորհրդի նախագահ, 1996 թվականից՝ Նյու Յորքի գիտությունների ակադեմիայի ակադեմիկոս:

Պարգևներ

• «Ոսկե սկավառակ» (ԱՄՆ), 1995
• Քեմբրիջի «Ոսկե աստղ», 1996

Երկեր

• Актуальные вопросы онкологии, Ереван: 1982.
• Патология соединительной ткани при ревматических болезнях, Ереван: Айастан, 1983 (համահեղինակ)
• Рак. Проблемы, перспективы предупреждения и лечения, Ереван: 1986.
• Опухоли яичников, Ереван: 1986. (համահեղինակ)
• Патогенетические подходы к профилактике и терапии опухолей, Ереван: Айастан, 1988 (համահեղինակ)
• Геоонкопатология злокачественных новообразований желудочно-кишечного тракта, Ереван: 1989. (համահեղինակ)
• Интерфероны в онкологии, Ереван: 1989.(համահեղինակ)
• Морфологическая диагностика дисгормональных и опухолевых заболеваний эндометрия, Ереван: Айастан, 1991. (համահեղինակ)
• Патогенетические основы противодействия опухолевому росту в эксперименте и в клинике, Ереван: Луйс, 1993. (համահեղինակ)
• Շաքարային դիաբետի ժամանակակից հարցեր, Երևան: Հայաստան, 2003: