Լևոն Կերտան

Լևոն Կերտան (Կյումյուշկերտանյան) (1886, Ստամբուլ, Օսմանյան կայսրություն - 1950), հայ ֆրանսիագիր գրող։

Լևոն Կերտան
Ծնվել է	1886
Ծննդավայր	Ստամբուլ, Օսմանյան կայսրություն
Մահացել է	1950

Ծնվել է Պոլսում։ Սովորել է Վերսայլի Հոշ լիցեյում (Ֆրանսիա)։ 1906 թվականին բնակություն է հաստատել Փարիզում, զբաղվել թանկագին քարերի առևտրով։ Միաժամանակ ֆրանսիական մամուլում տպագրել է արձակ երկեր։ 1930 թվականին Փարիզում լույս է տեսել նրա «Կշեռքի սխալ ծանրությունը» ֆրանսերեն վեպը, ապա՝ «Բերտրան Բերնոյի պատրանքները»։ Անգլերենից ֆրանսերեն է թարգմանել գեղարվեստական երկեր, որոնք տպագրվել ե ֆրանսիական մամուլում։ Եղել է Հայկական բարեգործական ընդհանուր միության անդամներից։ 1936 թվականին հրատարակել է Տիգրան Երկաթի մասին մի գիրք, որն արժանացել է ֆրանսիական ակադեմիայի գնահատմանը։ Հետագայում մեկնել է ԱՄՆ, այնտեղ լույս ընծայել «Բոլորին էլ ճանաչում եմ» գիրքը, որտեղ խոսվում է իր ճանաչած նշանավոր մարդկանց մասին։ Նրա վերջին վեպն է՝ «Մինարեթներից դեպի երկնասլացներ»։