Լուսնին նայող տղան

Լուսնին նայող տղան (շվեդ.՝ Pojke som tittar på månen) կամ Երկաթե տղան (շվեդ.՝ Järnpojken), հուշարձան Ստոկհոլմի Գամլա Ստանում (Հին քաղաք), որտեղ պատկերված է նստած տղան` ծնկները գրկած։

Լուսնին նայող տղան
Տեսակ	քանդակ
Քանդակագործ	Liss Eriksson?
Ստեղծում	1967
Երկիր	Շվեդիա
Քաղաք	Գամլա ստան
Բնակավայր	Ստոկհոլմ
Նյութ	կոփածո երկաթ
պատկերված են տղա և նստած
Järnpojke Վիքիպահեստում

Նկարագրություն

Հուշարձանը ստեղծել է քանդակագործ Լիս Էրիկսոնը։ Տեղադրվել է 1967 թվականին և դարձել Շվեդիայում ամենափոքր հուշարձանը. նրա բարձրությունը կազմում է շուրջ 15 սմ։ Հուշարձանը հայտնի է նաև Ուլլե (շվեդ.՝ Olle) ժողովրդական մականունով։

Հուշարձանը պատրաստված է ավազաքարից և կռած երկաթից։ Տղան նստած է մահճակալին, որը տեղադրված է բավականին լայն պատվանդանի վրա։ Լիս Էրիկսոնը հուշարձանը ստեղծել է 1954 թվականին։ Այն արտացոլում է քանդակագործի մանկության մասին հիշողությունները, երբ անքուն գիշերներին նստում էր մահճակալին և պատուհանից նայում լուսնին։

Հուշարձանը գտնվում է Ֆիննական եկեղեցու (շվեդ.՝ Finska kyrkan) ետևում, Ստոկհոլմի թագավորական պալատից մի քանի մետր հեռավորության վրա և ոչ միշտ է հիշատակվում քաղաքի զբոսաշրջային ուղեցույցներում, բայց այն մեծ մասսայականություն է վայելում զբոսաշրջիկների շրջանում։ Ենթադրվում է, որ տղայի գլուխը շոյելը հաջողություն է բերում և օգնում է ցանկությունների կատարմանը, ինչի արդյունքում էլ մշտական շոյելուց տղայի գլուխը փայլում է։ Հուշարձանի պատվանդանին հաճախ մետաղադրամներ և քաղցրավենիք են նետում, իսկ ձմռանը երկաթե տղային գլխարկ և շարֆ են հագցնում։

Պատկերասրահ

• 
• 
• 
• 

Արտաքին հղումներ

• «Լուսնին նայող տղան» Ստոկհոլմի կենտրոնում

Աղբյուրներ

• Linnell, Stig, Stockholms spökhus och andra ruskiga ställen (2003)
• Skulptur i Stockholm. Redaktion: Philippe Legros, Kaj Larsson. Stockholm: Konstkansliet, Utbildningsförvaltningen, 2005. S. 4

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Լուսնին նայող տղան կատեգորիայում։