Լուսաղբյուր (հուշարձան, Երևան)

Լուսաղբյուր, աղբյուր-հուշարձան Երևանի Էրեբունի վարչական շրջանի Նուբարաշեն խճուղում՝ Մեծ եղեռնի ռումտիկինցի զոհերի հիշատակին։ Հուշարձանն ընդգրկված է Էրեբունի վարչական շրջանի պատմության և մշակույթի անշարժ հուշարձանների ցանկում։

Լուսաղբյուր
Ընդհանուր տեղեկություններ
Կարգավիճակ	1.5/13
Համայնք	Էրեբունի
Ճարտարապետ(ներ)	Ռաֆայել Իսրայելյան
Շինարարության ավարտ	1975
Ներկա վիճակ	կանգուն

Պատմություն

1975 թվականին՝ Մեծ եղեռնի 60-ամյակի կապակցությամբ, Երևանի Էրեբունի համայնքի Նուբարաշեն խճուղում կանգնեցվել է «Լուսաղբյուր» հուշարձանը ի հիշատակ Կեսարիայի նահանգի Ռումտիկին գյուղի նահատակված բնակիչների։ Նշանավոր է եղել Ռումտիկինի Լուսաղբյուր սրբավայրը Հալիս գետի ափին, որտեղ, ըստ ավանդության, մարմարե ավազանում մկրտվել է Գրիգոր Լուսավորիչը։ 1915 թվականին գյուղի բնակիչների մեծ մասը նահատակվել է, իսկ փրկվածները հետագայում ապաստանել են Հայաստանում։

Հուշարձանը կարմիր տուֆից կերտված ուղղանկյուն կտրվածքով քիվազարդ սյունակոթող է, որի ստորոտին կառուցված աղբյուրից ջուրը թափվում է առջևում տեղադրված փոքր ավազանի մեջ։

Տվյալներ

Արծվի թևի վրա բարձրացող հուշակոթողի վրա մակագրված է.

Աղբյուր-հուշարձան 1915 թվի Ռումտիկինի նահատակների հիշատակին։

Հեղինակ

• Ճարտարապետ՝ Ռաֆայել Իսրայելյան

Պատկերասրահ

• 
• 
• 
• 
• 

Արտաքին հղումներ

• Մայրաքաղաքում բարեկարգվում են Եղեռնի զոհերի հիշատակին նվիրված հուշարձանները

Լուսաղբյուր (հուշարձան, Երևան) էջը Վիքիպահեստում

Հայաստանի պատմության և մշակույթի անշարժ հուշարձան, օբյեկտ № 1.5/13

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։