Լուկանիկոս
Թոդորիս Լուկանիկոս (հուն․՝ Θοδωρής Λουκάνικος (հայտնի է նաև որպես Լյուկ, Լուկանիկոս, որը հունարենից կարելի է թարգմանել որպես երշիկ), Հունաստանի ամենահայտնի շներից մեկը։ Հունաստանի դիմադրության խորհրդանիշներից մեկը՝ ուղղված երկրի իշխանությունների և Եվրամիության դեմ։ Նա միջազգային համբավ է ձեռք բերել այն բանից հետո, երբ դարձել է ակտիվ մասնակից՝ 2008-2012 թվականներին Աթենքում անցկացվող բողոքի ցույցերի ժամանակ։ Լուկանիկոսը չէր վախենում պայթյուններից, արցունքաբեր գազից և ռետինե փամփուշտներից, որոնք օգտագործվում էին ցուցարարների դեմ։ Նա ցույցերի բազմաթիվ լուսանկարների և տեսանյութերի հերոս է։ Ունի իր սեփական էջերը «Twitter»-ում, «Facebook»-ում և անձնական երկրպագուների կայք։ «TIME»-ը Լուկանիկոսին ընդգրկել Է ցուցարարների հավաքական կերպարում, որը հայտարարվել է «2011 թվականի մարդ»[1][2][3]։
| Լուկանիկոս | |
|---|---|
 | |
| Անվան բնօրինակ | Λουκάνικος |
| Տեսակ | շուն |
| Ծննդավայր | Հունաստան |
| Սատկել է | հոկտեմբեր 2014 |
| Սատկելու վայր | Խալկիդա, Կենտրոնական Հունաստան, Decentralized Administration of Thessaly and Central Greece, Հունաստան |
 Loukanikos Վիքիպահեստում | |
ՊատմությունԽմբագրել
Լուկանիկոսի իրական անունը Թոդորիս է։ Սկզբում նա անօթևան էր, ապրում էր Աթենքի կենտրոնում։ Բողոքի ցույցերին միացել է 2008 թվականից՝ Հունաստանում զանգվածային անկարգությունների ժամանակ։ Դրանից հետո նա հաճախ հայտնվում էր իրադարձությունների կենտրոնում և գրավում էր ցուցարարների կողմը՝ լինելով առաջին շարքում և հաչելով իրավապահ մարմինների ներկայացուցիչների վրա։ Երբեմն նա փորձում էր բռնել և նետել արցունքաբեր գազի ռումբերը, որոնք թռչում էին ցուցարարների ուղղությամբ։ Զբոսաշրջիկների կողմից հյուրասիրված տապակած երշիկները սիրելու համար նրան անվանել են Լուկանիկոս[4][5]։
Ազգային գործադուլի և 2010-2012 թվականներին Հունաստանում քաղաքացիական ծառայողների ցույցերի ժամանակ Լուկանիկոսը նույնպես անմիջական մասնակցություն է ունեցել։ Երբեմն դա ստանում էր ոստիկաններից, մի անգամ նույնիսկ տեղեկություններ էր հայտնվել, որ Լուկանիկոսը լուրջ ծեծի է ենթարկվել, սակայն դա չի հաստատվել։
2012 թվականից հետո Լուկանիկոսը դադարել է մասնակցել զանգվածային գործողություններին։ Նա ստացել է անհրաժեշտ բժշկական օգնություն, բուժվել մակաբուծային միջատների դեմ։ Լուկանիկոսին, որին կրկին կոչում էին Թոդորիս, ընդունել է մի հույն ընտանիք։ Նա սկսեց ապրել Խալկիդայում, Աթենքից մոտ 60 կմ հեռավորության վրա[5][6]։ Նա մահացել է 2014 թվականի մայիսի 21-ին սրտի կանգից[7][8]։
Հետաքրքիր փաստերԽմբագրել
 Արտաքին պատկերներ
| |
|---|---|
|
Լուկանիկոս՝ դիմադրության խորհրդանիշ |
- 2011 թվականի սեպտեմբերին, քաղաքացիական ծառայողների բողոքի ցույցերի շրջանակներում, աշխատանքային պայմաններից դժգոհ ոստիկանները մասնակցել են ցույցի Աթենքի կենտրոնում[9]։ Երկու կողմերը (և՛ ցուցարարները, և՛ հատուկ ուժերը), քանի որ գրեթե նույն ձևով էին, ականատեսների խոսքերով, Լուկանիկոսը շփոթել է, թե ում վրա պետք է հաչել։ Ոստիկանության մամուլի ծառայությունից հայտնում են, որ նա մարմնական վնասվածքներով տեղափոխվել է հիվանդանոց[10][6]։
- Լուկանիկոսին հաճախ շփոթում են մեկ այլ հայտնի հույն շան հետ, որը կոչվում է Կանելլոս։ Նա հաճախ մասնակցում էր ուսանողական գործադուլներին։ Նա մահացել է 2008 թվականին։ Մի անգամ «The Guardian»-ում Լուկանիկոսին սխալմամբ անվանել են Կանելլոս[6][11][12][13]։
- Եվրոպայում ոչ մեծ բողոքող խմբերից մեկն ընդունել է «Loukanikos» անվանումը[14]։
Հանրաճանաչ մշակույթումԽմբագրել
 Արտաքին տեսաֆայլեր
| |
|---|---|
|
|
«Անիմացիոն տեսահոլովակ «Loukanikos - Riot Dog»» (անգլերեն) |
- Ամերիկացի երգիչ և երգահան Դեյվիդ Ռովիքսը, «Occupy Wall Street» շարժման անդամ, գրել և կատարել է Լուկանիկոսի մասին «Riot Dog» (Ապստամբ շուն) երգը։ Նորվեգացի ֆլեշ անիմատոր Bjørn-Magne Stuestøl-ը համագործակցել է Ռովիքսի հետ՝ նրա մասին քարոզչական անիմացիոն տեսանյութ ստեղծելու համար։
ԾանոթագրություններԽմբագրել
- ↑ ««Журнал Time назвал Человека года»» (ռուսերեն)։ Журнал «РБК»։ 2011-12-14։ Արխիվացված է օրիգինալից 2012-04-15-ին։ Վերցված է 2013-05-02
- ↑ ««The Protester» Person of the Year 2011» (անգլերեն)։ Журнал «TIME»։ 2011։ Արխիվացված է օրիգինալից 2013-05-15-ին։ Վերցված է 2013-05-02
- ↑ ««Grekisk rebellhund hyllas på nätet»» (հյուսիսային սաամի)։ Dagens Nyheter։ 2010-05-08։ Արխիվացված է օրիգինալից 2013-05-19-ին։ Վերցված է 2013-05-02
- ↑ ««Ο Λουκάνικος δεν ξανακατεβαίνει στις πορείες»» (հունարեն)։ newsbomb.gr։ 2012-09-18։ Արխիվացված է օրիգինալից 2013-05-19-ին։ Վերցված է 2013-05-02
- ↑ 5,0 5,1 ««Athens Riot Dog: Loukanikos’ Protester Career is Over»» (անգլերեն)։ Keep Talking Greece. Greek News in English, Blog, Wit & Drama։ Արխիվացված է օրիգինալից 2013-05-19-ին։ Վերցված է 2013-05-02
- ↑ 6,0 6,1 6,2 Karlo Krystaller (2012-01-06)։ ««ΜΕΡΙΚΕΣ ΣΤΙΓΜΕΣ ΑΠΟ ΤΗΝ ΑΙΩΝΙΟΤΗΤΑ ΤΟΥ ‘ΚΑΝΕΛΛΟΥ’ ΚΑΙ ΤΟΥ ‘ΘΟΔΩΡΗ ΛΟΥΚΑΝΙΚΟΥ’Λόγος περί αγιοποίησης και ηρωοποίησης σκύλων»» (հունարեն)։ Ο Μαυρος Καπιταλισμος։ Արխիվացված է օրիգինալից 2013-05-19-ին։ Վերցված է 2013-05-02
- ↑ В Афинах умер пес-демонстрант по кличке Сосиска - Lenta.ru
- ↑ Боевая Сосиска - Lenta.ru
- ↑ ««Police protest low salaries»» (անգլերեն)։ ekathimerini.com։ 2011-09-27։ Արխիվացված է օրիգինալից 2013-05-19-ին։ Վերցված է 2013-05-02
- ↑ CHARLES BREMNER (2011-09-20)։ ««Activist hounding Greek cabinet»» (անգլերեն)։ The Australian. News։ Արխիվացված է օրիգինալից 2013-05-19-ին։ Վերցված է 2013-05-02
- ↑ ««Do you want to know about Kanellos?»» (անգլերեն)։ RebelDog։ Արխիվացված է օրիգինալից 2013-05-19-ին։ Վերցված է 2013-05-02
- ↑ ««Kanellos the Greek protest dog»» (անգլերեն)։ The Guardian։ 2010-03-06։ Արխիվացված է օրիգինալից 2013-05-19-ին։ Վերցված է 2013-05-02
- ↑ ««Loukanikos, the Greek anarchist dog photo gallery»» (անգլերեն)։ Արխիվացված է օրիգինալից 2013-05-19-ին։ Վերցված է 2013-05-02
- ↑ ««СМИ: автомобиль главы Еврокомиссии по Греции сожжён в Германии»» (ռուսերեն)։ РИА-Новости։ 2012-05-16։ Արխիվացված է օրիգինալից 2013-05-19-ին։ Վերցված է 2013-05-02
- ↑ ««Στη Μαδρίτη πίνουν μπύρες στην υγειά του Λουκάνικου, με φόντο τα επεισόδια στο Σύνταγμα»» (հունարեն)։ Dok TV։ 2012-06-28։ Արխիվացված է օրիգինալից 2013-05-19-ին։ Վերցված է 2013-05-02
Արտքաին հղումներԽմբագրել
- Լուկանիկոսը BBC-ի եթերում
- www.loukanikos.com/ Луканикоса. պաշտոնական կայք (ներկայումս անհասանելի է) (անգլ.)
- Լուկանիկոս Թվիթթերում
- Լուկանիկոս Ֆեյսբուքում