Լոլիկի թանգարան (իտալ.՝ Museo del pomodoro), թանգարան իտալական Կոլեքսիո քաղաքում, նվիրված է Պարմա գավառում լոլիկի արտադրությանն ու վերամշակմանը։ Թանգարանը բացվել է 2010 թվականին «Լոլիկները Պարմայում. պատմություն, ձեռնարկատիրություն և համ». գիտական կոնֆերանսի ընթացքում։

Լոլիկի թանգարան
իտալ.՝ Museo del pomodoro
Museo del Pomodoro - Collecchio (PR) - Esterno.jpg
Տեսակթանգարան և անշարժ գույք
ԵրկիրFlag of Italy.svg Իտալիա[1]
ՏեղագրությունԿոլեքիո
ՎայրԿոլեքիո
ՀասցեStrada Giarola, 11 - Collecchio[2]
Հիմնադրված էսեպտեմբերի 25, 2010
Կայքmuseidelcibo.it/pomodoro.asp և museidelcibo.it

Թանգարանի շենքըԽմբագրել

Թանգարանի շենքի մասին առաջին փաստաթղթերը վերաբերվում են 1187 թվականին, երբ հին պահեստը տրամադրվել էր Սուրբ Պավլի բենեդիկյան կանանց վանքին։ Վանքի տարածքում այն մնացել է մինչև 1810 թվականը։ Տարո գետի հովիտը, որտեղ տեղակայված է շինությունը, 12-14-րդ դարերի ընթացքում ստրատեգիական դեր էր խաղում. այնտեղով անցել է Վիա Ֆրանչիգենա ճանապարհը, որը կապում էր Հռոմն ու Ֆրանսիան։ Իր բարենպաստ դիրքի պատճառով շենքը օգտագործվում էր ռազմական նպատակներով։ Մինչև 1960-ական թվականները շենքում տեղակայված էր լոլիկի պահածոյացման ֆաբրիկա։ Պատմական շենքերի ամբողջությունը 1998 թվականին անցել է հանրային սեփականության, 1999 թվականին, որպես Տարո գետի շրջանային այգու մաս վերակառուցվել է[3]։

ԷքսպոզիցիաԽմբագրել

Թանգարանի էքսպոզիցիան կազմված է յոթ թեմատիկ բաժիններից.

  • Լոլիկի պատմություն
  • Պարմայում լոլիկի վերամշակման զարգացում
  • Վերամշակման տեխնոլոգիաներ
  • Պատրաստի արտադրանք և փաթեթավորում
  • Արդյունաբերական արտադրություն
  • Հիմնական մասնագիտությունները ֆաբրիկայում
  • Լոլիկը համաշխարհային մշակույթում

Թանգարանի ցուցադրանմուշներ են հանդիսանում ջերմոցները, բերքահավաքման մեքենաները, գործիքները, այն ամենը ինչ անհրաժեշտ է լոլիկի մշակման, հավաքման, պահպանման և վերամշակման համար։ Թանգարանը իր տրամադրության տակ ունի փաստաթղթերի մեծ հավաքածու, գովազդային պաստառներ, նկարներ, գրքեր, որոնք նվիրված են լոլիկին։ Բացի այդ թանգարանում ժողովված են լոլիկից պատրաստվող ուտեստների մեծ քանակությամբ բաղադրատոմսեր։

ԾանոթագրություններԽմբագրել

  1. GeoNames — 2005.
  2. dati.beniculturali.it — 2014.
  3. Parco Taro | La Corte di Giarola | La Corte di Giarola

Արտաքին հղումներԽմբագրել