Լեռնիկ Հովհաննիսյան

Լեռնիկ Հովհաննիսյան;
Ծնվել է	հուլիսի 24, 1973 (51 տարեկան)
Ծննդավայր	Քարին տակ
Քաղաքացիություն	Արցախ
Կրթություն	ԵՊՀ պատմության ֆակուլտետ և Արցախի պետական համալսարան
Մասնագիտություն	քաղաքական գործիչ

Լեռնիկ Լենտրուշի Հովհաննիսյան (հուլիսի 24, 1973(1973-07-24), Քարին տակ), արցախցի քաղաքական գործիչ, Արցախի Հանրապետության 6-րդ գումարման Ազգային ժողովի «Հայ Հեղափոխական դաշնակցություն» կուսակցության պատգամավոր^[1]։

Կենսագրություն

Լեռնիկ Հովհաննիսյանը ծնվել է 1973 թվականի հուլիսի 24-ին Շուշիի շրջանի Քարին տակ գյուղում։ 1980 թվականին հաճախել է տեղի միջնակարգ դպրոցը, այնուհետև 8-րդ դասարանից ուսումը շարունակել է Երևանի Խրիմյան Հայրիկի անվան հայագիտական թեքումով համար 10-րդ դպրոցում։ 1996 թվականին ավարտել է Երևանի պետական համալսարանի պատմության ֆակուլտետը։

Ծառայել է Արցախի Հանրապետության Պաշտպանության բանակի Շուշիի պաշտպանական շրջանի 52-րդ գումարտակում, որի կազմում մասնակցել է մի շարք մարտական գործողությունների։

1997-2000 թվականներին սովորել է Արցախի պետական համալսարանի ասպիրանտուրայում, իսկ 1999 թվականին եղել է Արցախի Պետական համալսարանի պատմության ամբիոնի դասախոս, այնուհետև՝ ավագ դասախոս։

2013 թվականի հունիսին նշանակվել է Արցախի Հանրապետության Մշակույթի և երիտասարդության հարցերի նախարարի տեղակալ։

2015 թվականի մայիսի 3-ի խորհրդարանական ընտրություններում ընտրվել է Արցախի Հանրապետության 6-րդ գումարման Ազգային Ժողովի պատգամավոր` մեծամասնական ընտրակարգով, թիվ 10 ընտրատարածքից։

2018 հուլիսի 2-ից մինչև 2020 թվականը եղել է Արցախի Հանրապետության կրթության, գիտության, մշակույթի և սպորտի, երիտասարդության հարցերի և զբոսաշրջության նախարար^[2]^[3]^[4]^[5]։

Հայ Հեղափոխական դաշնակցության անդամ է։ Արցախի Հանրապետության Ազգային ժողովի պաշտպանության, անվտանգության և օրինապահպանության հարցերի մշտական հանձնաժողովի նախագահի տեղակալն է։

Արցախի Հանրապետության Ազգային Ժողովի «Դաշնակցություն» խմբակցության անդամ է։

Մոտ 10 գիտական աշխատանքների և 8 քարտեզների հեղինակ է։

Արցախի հանրային հեռուստատեսությամբ վարում է իր հեղինակած «Մեր երկիր» հաղորդաշարը։

Ամուսնացած է։ Ունի երեք զավակ։

Ծանոթագրություններ

↑ «Հովհաննիսյան Լեռնիկ Լենտրուշի». www.nankr.am. Արխիվացված է օրիգինալից 2023 թ․ օգոստոսի 21-ին. Վերցված է 2023 թ․ օգոստոսի 21-ին.
↑ «Լեռնիկ Լենտրուշայի Հովհաննիսյան». ԱՐՑԱԽԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ (անգլերեն). Արխիվացված է օրիգինալից 2023 թ․ օգոստոսի 21-ին. Վերցված է 2023 թ․ օգոստոսի 21-ին.
↑ «Լեռնիկ Հովհաննիսյան. Նոր մարտահրավերներին համահունչ՝ մեր քաղաքականությունը պետք է փոփոխության ենթարկվի». www.aravot.am. 21.08.2023.
↑ LLC, Helix Consulting. «Լեռնիկ Հովհաննիսյանը նշանակվել է Արցախի ԿԳՄՍ նախարարի տեղակալ - Այսօր` թարմ լուրեր Հայաստանից». www.aysor.am (անգլերեն). Վերցված է 2023 թ․ օգոստոսի 21-ին.
↑ ««Օսմանյան Թուրքիայի քաղաքականությունը շարունակում է Ադրբեջանը` փորձելով ուրիշ ժողովուրդների հայրենիքը ոչնչացնել ու կառուցել իր հայրենիքը». Լեռնիկ Հովհաննիսյան». 168.am. 21.08.2023.

Արտաքին հղումներ

[1] «Հովհաննիսյան Լեռնիկ Լենտրուշի». www.nankr.am. Արխիվացված է օրիգինալից 2023 թ․ օգոստոսի 21-ին. Վերցված է 2023 թ․ օգոստոսի 21-ին.

[2] «Լեռնիկ Լենտրուշայի Հովհաննիսյան». ԱՐՑԱԽԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ (անգլերեն). Արխիվացված է օրիգինալից 2023 թ․ օգոստոսի 21-ին. Վերցված է 2023 թ․ օգոստոսի 21-ին.

[3] «Լեռնիկ Հովհաննիսյան. Նոր մարտահրավերներին համահունչ՝ մեր քաղաքականությունը պետք է փոփոխության ենթարկվի». www.aravot.am. 21.08.2023.

[4] LLC, Helix Consulting. «Լեռնիկ Հովհաննիսյանը նշանակվել է Արցախի ԿԳՄՍ նախարարի տեղակալ - Այսօր` թարմ լուրեր Հայաստանից». www.aysor.am (անգլերեն). Վերցված է 2023 թ․ օգոստոսի 21-ին.

[5] ««Օսմանյան Թուրքիայի քաղաքականությունը շարունակում է Ադրբեջանը` փորձելով ուրիշ ժողովուրդների հայրենիքը ոչնչացնել ու կառուցել իր հայրենիքը». Լեռնիկ Հովհաննիսյան». 168.am. 21.08.2023.

[1]

[2]

[3]

[4]

[5]

Լեռնիկ Հովհաննիսյան
Ծնվել է	հուլիսի 24, 1973(1973-07-24) (51 տարեկան)
Ծննդավայր	Քարին տակ
Քաղաքացիություն	Արցախ
Կրթություն	ԵՊՀ պատմության ֆակուլտետ և Արցախի պետական համալսարան
Մասնագիտություն	քաղաքական գործիչ