Լեոնիդ Ենգիբարյանի հուշարձան (Ծաղկաձոր)

Անվան այլ կիրառումների համար տե՛ս՝ Լեոնիդ Ենգիբարյանի հուշարձան (այլ կիրառումներ)

Լեոնիդ Ենգիբարյանի հուշարձան, գտնվում է Կոտայքի մարզի Ծաղկաձոր քաղաքի Ծաղկունյաց հրապարակում։ Տեղադրվել է 2012 թվականի օգոստոսի 13-ին։

Լեոնիդ Ենգիբարյանի հուշարձան
Շինության ձևհուշարձան
Ներկա վիճակԿանգուն

Պատմություն խմբագրել

Կրկեսի հայ դերասան, ծաղրածու, ՀԽՍՀ ժողովրդական արտիստ Լեոնիդ Ենգիբարյանի արձանը Ծաղկաձորում տեղադրվել է մնջախաղի միջազգային երրորդ փառատոնի շրջանակներում[1]։ Արձանի բացումը կատարել է ՀՀ վարչապետ Տիգրան Սարգսյանը, ներկա են եղել Երևանի քաղաքապետ Տարոն Մարգարյանը, հուշարձանի հեղինակը՝ քանդակագործ Դավիթ Մինասյանը, Երևանի մնջախաղի պետական թատրոնի գեղարվեստական ղեկավար Ժիրայր Դադասյանը, Երևանի կրկեսի ղեկավար Սոս Պետրոսյանը, Ծաղկաձորի քաղաքապետ Գարուն Միրզոյանը, ով արձանը հենց Ծաղկաձորում տեղադրելու նախաձեռնության հեղինակն է[2]։

Քանդակը հավերժացնում է «Թռիչք անձրևանոցով» հայտնի մանրապատումից դրվագը[3]։

Հեղինակ խմբագրել

Տվյալներ խմբագրել

Հուշարձանը կառուցված է բրոնզից, պատվանդանը գրանիտ է 1 մետր բարձրությամբ, ընդհանուր՝ չորս մետր։

Պատկերասրահ խմբագրել

Ծանոթագրություններ խմբագրել

  1. «Ծաղկաձորում բացվեց Լեոնիդ Ենգիբարյանի արձանը». Արխիվացված է օրիգինալից 2012 թ․ օգոստոսի 15-ին. Վերցված է 2014 թ․ նոյեմբերի 17-ին.
  2. Ծաղկաձորում բացվեց Լեոնիդ Ենգիբարյանի արձանը
  3. Ծաղկաձորում բացվեց Լեոնիդ Ենգիբարյանի արձանը՝ դրվագ «Թռիչք անձրևանոցով» մանրապատումից(չաշխատող հղում)