Լամելո Բոլ
Լամելո Լաֆրենս Բոլ (անգլ.՝ LaMelo LaFrance Ball, օգոստոսի 22, 2001[1], Չինո Հիլս, Սան Բերնարդինո շրջան, Կալիֆոռնիա, ԱՄՆ[2]), ամերիկացի պրոֆեսիոնալ բասկետբոլիստ, խաղարկող։ Հանդես է գալիս Բասկետբոլի ազգային ասոցիացիայի (NBA) «Շառլոթ Հորնեթս» ակումբում։
 LaMelo Ball | ||
.jpg) Բոլը 2022 թվականի Բոլոր աստղերի հանդիպման ժամանակ | ||
| Ակումբ |  Շառլոթ Հորնեթս
| |
|---|---|---|
| Դիրքը | Խաղարկող | |
| Համար | № 2 | |
| Ի ծնե տրված անունը | Լամելո Լաֆրենս Բոլ LaMelo LaFrance Ball | |
| Ծննդյան ամսաթիվ | օգոստոսի 22, 2001 (22 տարեկան) | |
| Ծննդավայր | Անահայմ, Կալիֆորնիա, ԱՄՆ
| |
| Ազգություն | Ամերիկացի
| |
| Հասակ | 2,03 մ | |
| Քաշ | 82 կգ | |
| Դպրոց | Չինո Հիլզի ավագ դպրոց (Չինո Հիլզ, Կալիֆորնիա) Միացյալ Նահանգների օլիմպիական ուսումնական կենտրոն (Ջենևա, Օհայո) | |
| Դրաֆթի տարի | 2020 / ռաունդ` 1 / ընտր.` 3-րդ | |
Կարիերայի պատմություն
| ||
 Պրենայ (2018) Լոս Անջելես Բոլերս (2018) Իլավարա Հոքս (2019–2020) Շառլոթ Հորնեթս (2020-այժմ)
| ||
Մրցանակներ
| ||
| ||
Դպրոցական կարիերան սկսել է Չինո Հիլսի ավագ դպրոցում, որտեղ ավագ եղբայրների՝ Լոնզոյի և Լիանջելոյի հետ կարողացել է հաղթել նահանգային առաջնությունը և արժանանալ համազգային ճանաչման։ Մարզչական կազմի հետ ունեցած տարաձայնությունների պատճառով, Բոլը հեռանում է դպրոցական կարիերայից և մարզական պայմանագիր կնքում լիտվական «Պրենայ» ակումբի հետ։ 2018 թվականին սկսել է ելույթներ ունենալ հոր՝ Լավար Բոլի կողմից հիմնադրված Բասկետբոլի կրտսեր ասոցիացիայում (JBA), որից հետո վերսկսել է դպրոցական մարզական կարիերան, այս անգամ հանդես գալով Միացյալ Նահանգների օլիմպիական ուսումնական կենտրոնում։
Ընդունելիության հետ կապված մտահոգությունների ֆոնին, Բոլը որոշում է ամբողջովին հրաժարվել համալսարանային կարիերայից և մարզական պայմանագիր կնքել ավստրալիական Բասկետբոլի ազգային լիգայի (NBL) «Իլավարա Հոքսի» հետ։ 2019 թվականի ճանաչվել է NBL-ի տարվա նորեկ։
Ընտրվել է NBA-ի 2020 թվականի դրաֆթի 3-րդ համարի ներքո՝ «Շառլոթ Հորնեթսի» կողմից։
Դպրոցական ելույթներից ի վեր, Բոլը և նրա եղբայրները Միացյալ Նահանգներում արժանացել են համազգային ուշադրության։ Նրանց հայր Լավար Բոլը նույնպես մեդիա անձնավորություն է։ Հորը պատկանող «Big Baller Brand» ընկերությունում Բոլն ունի իր այցեքարտային մարզակոշիկը[3][4]։
Ծանոթագրություններ խմբագրել
- ↑ https://www.sportskeeda.com/basketball/lamelo-ball-net-worth
- ↑ 2,0 2,1 https://www.nba.com/player/1630163/lamelo-ball/rotowire
- ↑ «Launching!». BigBallerBrand.com. 2016 թ․ ապրիլի 14. Արխիվացված է օրիգինալից 2017 թ․ սեպտեմբերի 9-ին. Վերցված է 2017 թ․ սեպտեմբերի 8-ին.
- ↑ Gould, Andrew (2017 թ․ օգոստոսի 31). «Big Baller Brand Unveils MB1 Signature Sneakers for LaMelo Ball». Bleacher Report. Վերցված է 2017 թ․ սեպտեմբերի 8-ին.
Արտաքին հղումներ խմբագրել
- Էջը NBA.com կայքում(անգլ.)
 | Վիքիպահեստն ունի նյութեր, որոնք վերաբերում են «Լամելո Բոլ» հոդվածին։ |