Իրիս վան Հերփեն
Իրիս վան Հերփեն (հոլ.՝ Iris van Herpen, հունիսի 5, 1984, Wamel), նիդերլանդցի նորաձևության դիզայներ[5][6]։ 2007 թվականին Վան Հերփենը բացել է իր սեփական Iris van Herpen լեյբլը։ 2011 թվականին դարձել է Փարիզի բարձր նորաձևության սինդիկատի (որը մտնում է Ֆրանսիայի նորաձևության ֆեդերացիայի մեջ) հրավիրյալ անդամ[7]։ Դրանից ի վեր Վան Հերփենը մշտապես իր հավաքածուներն է ներկայացնում Փարիզի նորաձևության շաբաթում[8]։ Նրա աշխատանքները ներառվել են Մետրոպոլիտեն թանգարանում, Վիկտորիայի և Ալբերտի թանգարանում, Նյու Յորքում գտնվող Կուպեր Հյուիթ Սմիթսոնի դիզայնի թանգարանում և Փարիզում գտնվող Տոկիոյի պալատում։
| Իրիս վան Հերփեն | |
|---|---|
 | |
| Ծնվել է | հունիսի 5, 1984 (39 տարեկան) |
| Ծննդավայր | Wamel |
| Քաղաքացիություն |  Նիդերլանդների Թագավորություն |
| Կրթություն | ArtEZ?[1] |
| Մասնագիտություն | նորաձևության դիզայներ, հագուստ ձևագծող և դիզայներ |
| Պարգևներ և մրցանակներ | |
| Կայք | irisvanherpen.com |
 Iris van Herpen Վիքիպահեստում | |
Կարիերա խմբագրել
Իրիս վան Հերփենը 2006 թվականին ավարտել է Արնեմում գտնվող ArtEZ արվեստի ինստիտուտը[9], Լոնդոնում ստաժավորում է անցել Ալեքսանդր Մակքուինի[10] և Կլոդի Յոնգսթրի մոտ[11]՝ Ամստերդամում, մինչև 2007 թվականին կթողարկեր սեփական լեյբլը[12]։ Հագուստի իր առաջին Chemical Crows հավաքածուի հետ առաջին անգամ ցուցադրվել է 2007 թվականին Ամստերդամի նորաձևության շաբաթում[13]։
Նորաձևության աշխարհում առաջին անգամ օգտագործել է 3D տպագրության մեթոդը[14] և 3D տպագրությամբ առաջին հագուստը ցուցադրել է 2010 թվականին Ամստերդամի նորաձևության շաբաթում։ Հագուստը տպագրված էր 3D-տպիչով սպիտակ պոլիամիդից[15]։
Վան Հերփենի աշխատանքը կարելի է բնութագրել որպես միջդիսցիպլինար, քանի որ այն ոգեշնչում է նորաձևության և արվեստի հետ չկապված մասնագիտություններում։ Հետևաբար, դիզայները իր աշխատանքների մեծ մասը ստեղծում է՝ համագործակցելով գիտության, տեխնիկայի և ճարտարապետության ոլորտում աշխատող մասնագետների հետ[16]։ Օրինակ, 2020-ի Sensory Seas-ի հավաքածուն ոգեշնչվել է ծովային բնապահպանությամբ և իսպանացի նեյրոանատոմ Ռամոնի և Կախալի աշխատանքներով[17]։ 2010 թվականին Իրիս Վան Հերփենը ձեռնարկել է նորաձևությունից դուրս իր առաջին համագործակցությունը։ Նա աշխատել է հոլանդական ճարտարապետական Benthem Crouwel Architekten ֆիրմայի հետ՝ Water շրջազգեստը ստեղծելու համար։
Քննադատները Իրիսի աշխատանքները բնորոշում են որպես օրգանիկ և նորարարական[18]։ New York Times-ից լրագրող Վանեսա Ֆրիդմանը գրել է․ «Բանը նրանում չէ, որ նա մերժում է նորաձևության ժառանգությունը, նա պարզապես վերասահմանում է այն ժամանակակից գործիքների միջոցով։ Ինչ-որ ժամանակ շատ վաղուց կարի մեքենան անում էր նույն բանը»[19]։
Վան Հերփենը առաջին դիզայներներից մեկն էր, որը կիրառում էր 3D տպագրությունը որպես հագուստի պատրաստման տեխնոլոգիա։ Նրա նախագծման գործընթացը կիրառում է այնպիսի տեխնոլոգիաներ, ինչպիսիք են արագ նախատպումը՝ որպես նրա աշխատանքում գլխավոր սկզբունքներից մեկը։ Նա հայտնի է ռադիկալ նյութերի օգտագործմամբ, ինչպիսիք են՝ վիշապի կաշին, նավակների համար սինթետիկ տակելաժը և մանկական անձրևանոցների համար՝ կետի ոսկորը։
2009 թվականից փոփ-աստղ Լեդի Գագան մի քանի անգամ հագել է Իրիս վան Հերփենի մոդելներից։ 2012 թվականին Լեդի Գագան իր Lady Gaga Fame օծանելիքը ներկայացնելու համար հագել է պատվերով կարված փայլուն սև շրջազգեստը։ Օծանելիքի սրվակի ձևը ոգեշնչում է հանդիսացել շրջազգեստի համար, որը Վան Հերփենը պատրաստել է լազերային փորագրված սև ակրիլի շերտերից։ Նա նաև օգտագործել է սիլիկոններ, երկաթե թեփ և խեժ։
Ծանոթագրություններ խմբագրել
- ↑ https://netherlands.inspiringfifty.org/iris-van-herpen
- ↑ http://kunsttechniekprijs.nl/nl/winnaars/iris-van-herpen/
- ↑ http://moamamsterdam.com/portfolio/grand-seigneur-award/
- ↑ https://netherlands.inspiringfifty.org/netherlands-2017
- ↑ McQueen, Paul. «The Story of Haute Couture». Culture Trip. Վերցված է 2020 թ․ սեպտեմբերի 30-ին.
- ↑ Rebecca Mead (2017 թ․ սեպտեմբերի 25). «The New Yorker - Iris van Herpen's Hi-Tech Couture». The New Yorker.
- ↑ Berry, Allison (2013 թ․ ապրիլի 9). «Fashion Forward: Boundary-Pushing Designer Iris van Herpen's Latest Creation». Time.
- ↑ Verner, Amy (2018 թ․ հուլիսի 2). «Vogue - Fashion Shows Iris Van Herpen». Vogue.
- ↑ «Johannes Vermeer Awards 2017 goes to Iris Van Herpen». ArtEZ. 2017 թ․ սեպտեմբերի 5.
- ↑ Mark Holgate (2016 թ․ ապրիլի 28). «Iris Van Herpen Dutch designer interview on 3D printing». Vogue.
- ↑ Sharpe, Shannon (2014 թ․ հոկտեմբերի 28). «Iris Van Herpen is making fashion future». Metropolis.
- ↑ «Iris van Herpen | BoF 500 | The People Shaping the Global Fashion Industry». The Business of Fashion.
- ↑ Borrelli-Persson, Laird (2008 թ․ հունվարի 1). «Vogue - Fall 2008 Fashion Shows Ready to wear». Vogue.
- ↑ López López, Anna María (2018). Diseño digital de moda. Madrid: Editorial Anaya Multimedia. էջեր 40-43 - Cap 1 Tecnología digital aplicada a la moda. ISBN 978-84-415-3974-7. OCLC 1090145404.
- ↑ Borrelli-Persson, Laird (1 September 2010), «Spring 2011 Fashion Shows Ready to wear», Vogue
- ↑ Stinson, Liz (2015 թ․ նոյեմբերի 19). «Iris Van Herpen's Extraordinary Clothes Are More Like Wearable Sculptures». Wired.
- ↑ «Sensory Seas | Couture». Iris van Herpen. Վերցված է 2020 թ․ սեպտեմբերի 28-ին.(չաշխատող հղում)
- ↑ Liz Logan (2015 թ․ նոյեմբերի 6). «The Dutch Designer Who Is Pioneering the Use of 3D Printing in Fashion». Smithsonian.
- ↑ Friedman, Vanessa (2018 թ․ հունիսի 2). «Moving the Goal Posts in Fashion». The New York Times.
 | Վիքիպահեստն ունի նյութեր, որոնք վերաբերում են «Իրիս վան Հերփեն» հոդվածին։ |