Իրբիտի կերպարվեստի պետական թանգարան

Իրբիտի կերպարվեստի պետական թանգարան
Տեսակ	թանգարան
Երկիր	Ռուսաստան
Տեղագրություն	Իրբիտ
Վայր	Ռուսաստան
Հիմնադրվել է	հունվարի 3, 1972
Կայք	irbitgmii.ru(ռուս.)

Իրբիտի կերպարվեստի պետական թանգարան (ռուս.՝ Ирбитский государственный музей изобразительных искусств), գեղանկարչության թանգարան, որը գտնվում է Ռուսաստանի Դաշնության Սվերդլովսկի մարզի Իրբիտ քաղաքում։

Նկարագրություն խմբագրել

Թանգարանը 1972 թվականի հունվարի 3-ին որպես քաղաքային ցուցասրահ հիմնադրել է Ռուսաստանի Դաշնության մշակույթի վաստակավոր աշխատող, Օնիսիմ Կլերի մրցանակի դափնեկիր, արվեստի և գեղարվեստական արհեստների դեմիդովյան ակադեմիայի ակադեմիկոս Վալերի Կարպովը։ 1991 թվականից` Իրբիտի քաղաքային ենթակայության արվեստի թանգարան։ 1995 թվականի դեկտեմբերին ՌԴ մշակույթի նախարարությունը թանգարանի հավաքածուն ճանաչել է «համառուսաստանյան նշանակության ազգային հարստություն»։ Փորագրանկարի ևնկարիմիակ մասնագիտացված թանգարանն է Ռուսաստանում։

Թանգարանի հավաքածուում կա մոտ 16 հազար նմուշ։ Այն բաժանված է երկու հիմնական բլոկի` «Փորագրանկարի և նկարի վարպետներ։ XV-XX դարերի Եվրոպա և Ռուսաստան» և «XX դարի ուրալյան արվեստի վարպետներ։ Գեղանկարչություն, գրաֆիկա, քանդակ, դեկորատիվ-կիրառական արվեստ»։

Թանգարանում կան եզակի հավաքածուներ, այդ թվում` եվրոպական տպագիր և օրիգինալ գրաֆիկայի հավաքածու, որը ներկայացված է իտալական, հոլանդական, ֆլամանդական, գերմանական, ֆրանսիական, անգլիական, իսպանական, շվեյցարական, ավստրիական, լեհական, բուլղարական, շվեդական, բելգիական և ամերիկյան ազգային դպրոցների ներկայացուցիչների աշխատանքներով։ Նրանց թվում են Ալբրեխտ Դյուրերը, Տիցիանը, Տինտորետտոն, Անտոնիս վան Դեյքը, Ռեմբրանդ վան Ռեյնը և այլք։

Թանգարանում պահվում է Պիտեր Պաուլ Ռուբենսի բնօրինակ «Ապաշխարհող Մարիամ Մագդաղենացին» կտավը։

Հավաքածուներ խմբագրել

Փորագրանկարի և նկարի վարպետներ։ XV-XX դարերի Եվրոպա և Ռուսաստան
XX դարի ուրալյան արվեստի վարպետներ։ Գեղանկարչություն, գրաֆիկա, քանդակ, դեկորատիվ-կիրառական արվեստ