Իսրայել Միլիտոսյան

Իսրայել Միլիտոսյան (օգոստոսի 17, 1968(1968-08-17), Լենինական, Հայկական ԽՍՀ, ԽՍՀՄ), հայ ծանրորդ, ԽՍՀՄ կրկնակի չեմպիոն (1989 թ., 1991 թ.), Եվրոպայի չեմպիոն (1989 թ.) աշխարհի չեմպիոն (1989 թ.), Սեուլի 1988 թվականի օլիմպիական խաղերի արծաթե մեդալակիր և Բարսելոնի օլիմպիական խաղերի ոսկե մեդալակիր (1992 թ.) պոկում վարժությունների աշխարհի եռակի ռեկորդակիր։ ԽՍՀՄ սպորտի վաստակավոր վարպետ։

Իսրայել Միլիտոսյան
Անձնական տեղեկություն
Սեռ՝	արական
Մասնագիտացում՝	ծանրամարտիկ
Երկիր՝	ԽՍՀՄ և  Հայաստան
Ծննդյան ամսաթիվ՝	օգոստոսի 17, 1968(1968-08-17) (56 տարեկան)
Ծննդավայր՝	Գյումրի
Հասակ՝	165 սանտիմետր
Պարգևներ և

Սպորտային կարիերան

Իսրայել Միլիտոսյանը սկսել է զբաղվել ծանրամարտով 1980 թ-ից իր հորեղբոր Վարդան Միլիտոսյանի ղեկավարությամբ։ 1987–1991 թթ ընդգրկված է եղել ծանրամարտի ԽՍՀՄ հավաքականի կազմում։ 1988 թ. նվաճեց Սեուլի օլիմպիական խաղերի արծաթե մեդալ, իսկ 1989 թ. դարձավ Եվրոպայի չեմպիոն Աթենքում։ Այդ մրցումներում Իսրայել Միլիտոսյանը երկու անգամ գերազանցեց աշխարհի ռեկորդները պոկում վարժություններում։ 1992 թվականի Բարսելոնայի Օլիմպիական խաղերում Հայաստանը ներկայացավ 5 օլիմպիականներով՝ նվաճելով 4 մեդալ, սահմանելով համաշխարհային ռեկորդ, որը մինչ օրս անգերազանցելի է։ Իսրայել Միլիտոսյանը, Մնացական Իսկանդարյանը, Հրաչյա Պետիկյանը դարձան չեմպիոն, իսկ Ալֆրեդ Տեր-Մկրտչյանը նվաճեց արծաթե մեդալը։ Հետագայում 1996 թվականին Հայաստանը ներկայացրեց Ատլանտայի օլիմպիական խաղերում, ԱՄՆ, որտեղ զբաղեցրեց 6-րդ տեղը։ 1999 թվականին ավարտելով սպորտսմենի իր կարիերան, անցավ մարզչական աշխատանքի։ 2003 թվականից աշխատում է Գյումրու ծանրամարտի դպրոցում որպես տնօրեն։

Պարգևներ

2013 թ. դեկտեմբերի 23-ին Հայաստանի Նախագահի հրամանագրով պարգևատրվել է Մովսես Խորենացու մեդալով։

Աղբյուրներ

• Անկախ Հայաստանի բոլոր չեմպիոնները

Վիքիպահեստն ունի նյութեր, որոնք վերաբերում են «Իսրայել Միլիտոսյան» հոդվածին։