Բացել գլխավոր ցանկը
Համաշխարհային իսլամական առաքելության մզկիթը Օսլոյում

Նորվեգիայում քրիստոնեությունից հետո, իսլամը տարածվածությամբ երկրորդ կրոնն է: Ըստ 2016 թվականի հարցումի տվյաների 148 189 բնակիչ դավանում է իսլամ, որը կազմում է բնակչության մոտ 2,8 %-ը: Նորվեգիայի մահմեդականների մեծամասնությունը դավանում են իսլամի սուննի ուղղությունը, իսկ զգալի փոքրամանությունը շիա իսլամ: Մահմեդականների մոտ 55 %-ը ապրում են Օսլոյի և Աքերսհուսի ֆյուլքեներում: Նորվեգական մահմեդականների մեծամասնությունը գաղթականներ են, որոնց մեծ մասը նորվեգական պակիստանցիներ են[1]:

ՊատմությունԽմբագրել

Իսլանդական տարեգրությունում նկարագրվում է 1260-ական թվականներին Նորվեգիայում Թունիսի դեսպանատան հիմնման մասին այն բանից հետո, երբ Հաքոն IV Ծեր թագավորը դեսպանատան հետ ընծաներ է ուղարկել սուլթանին[2]: Սակայն երկրի մահմեդական բնակչությունը նկատելի չի եղել մինչև XX դարի երկրորդ կեսը: Մահմեդական երկրներից Նորվեգիա ներգաղթը սկսել է ավելի ուշ, քան Արևմտյան Եվրոպայի այլ երկրներում[3], և սկսել է աճել միայն XX դարի 60-ական թվականներին: Առաջին անգամ Նորվեգիայում մահմեդականների թիվը գրանցվել է 1980 թվականին և կազմում էր 1006 մարդ: Այս վիճակագրությունը հիմնված է եղել գրանցված կոնգրեգացիայի (եկեղեցական) տվյալների հիման վրա, իսկ այդպիսի ցածր ցուցանիշի պատճառը հանդիսացել է մահմեդականների մեծ մասի մզկիթներում գրանցված լինելը: 1990-ական թվականների վերջում իսլամը ծխականների թվով անցել է կաթոլիկ եկեղեցուն և հիսունականներին, դառնալով Նորվեգիայում կրոնական փոքրամասնություններից տարածված առաջին կրոնը: 2004 թվականին մահմեդականները ընդգրկված էին 92 տարբեր կոնգրեգրացիաներում, որոնցից 40-ը հիմնադրվել էին Օսլոյում և Աքերսհուսում: 2010 թվականին Շվեդիայի Էրեբրու քաղաքից մահմեդական, Սաուդյան Արաբիայի միջոցներով, ցանկացել է Տրոմսյոյում մզկիթ կառուցել, սակայն Նորվեգիայի կառավարությունը չի թույլատրել, Սաուդյան Արաբիայի դավանանքի ազատության բացակայության պատճառով:

ԲնակչությունԽմբագրել

2000 թվականին եղել է մոտավորապես 500 բնիկ նորվեգացիներ, ովքեր սկսեցին դավանել իսլամ: Մնացած մահմեդականները մի շարք երկրներից առաջին կամ երկրորդ սերնդի գաղթականներ են[4]:

Ծագման երկիրը Քանակ (2008 թվական[5])
Պակիստան 30 134
Սոմալի 27 881
Իրաք 21 795
Բոսնիա և Հերցեգովինա 15 649
Իրան 15 134
Թուրքիա 15 003
Նոր հավատքի եկածներ 900-ից մինչև 1000

ԾանոթագրություններԽմբագրել

  1. Cesari, 2014, էջ 393
  2. Nielsen, Akgönül, էջ 308
  3. Daugstad Gunnlaug, Østby Lars (2009)։ «Et mangfold av tro og livssyn» [A variety of beliefs and denominations]։ Det flerkulturelle Norge (Norwegian)։ Statistics Norway։ Վերցված է July 18, 2012 
  4. Cited by Jorgen Nielsen (ed.), "Islam in Denmark: The Challenge of Diversity," Lexington Books (December 21, 2011), pg. 53. 978-0739150924.
  5. Source: Statistics Norway Archived January 12, 2009, at the Wayback Machine.