Իսահակ Իսահակյան
- Վիքիպեդիայում կան հոդվածներ Իսահակյան ազգանունով այլ մարդկանց մասին։
Անվան այլ կիրառումների համար տե՛ս՝ Իսահակ Իսահակյան (այլ կիրառումներ)
Իսահակ Աբասի Իսահակյան (օգոստոսի 10, 1933, Կուրգան, Կետովսկի շրջան, Ուրալի մարզ, ՌԽՖՍՀ, ԽՍՀՄ[1] - փետրվարի 16, 2017[2], Երևան, Հայաստան)[3], հայ տնտեսագետ։ ՀՀ կենտրոնական բանկի առաջին նախագահ։
| Իսահակ Աբասի Իսահակյան | |
|---|---|
 | |
| Ծնվել է | օգոստոսի 10, 1933 |
| Ծննդավայր | Կուրգան, Կետովսկի շրջան, Ուրալի մարզ, ՌԽՖՍՀ, ԽՍՀՄ[1] |
| Մահացել է | փետրվարի 16, 2017[2] (83 տարեկան) |
| Մահվան վայր | Երևան, Հայաստան |
| Քաղաքացիություն |  Հայաստան |
| Ազգություն | հայ |
| Կրթություն | Տաշքենդի պետական տնտեսագիտական համալսարան |
| Մասնագիտություն | տնտեսագետ |
| Աշխատանք | ՀՀ կենտրոնական բանկ |
| Պարգևներ և մրցանակներ |   և  |
Կենսագրություն
խմբագրել1951 թվականին ավարտել է Ղազախստանի ԽՍՀ Կանտագե բանվորական ավանի միջնակարգ դպրոցը։ 1957 թ. ավարտել է Տաշքենդի ֆինանսատնտեսական ինստիտուտի Ֆինանսական ֆակուլտետի վարկային բաժինը, և գործուղվել ԽՍՀՄ Պետբանկի հայկական գրասենյակ։
Աշխատել է որպես առևտրի վարկավորման բաժնի վարկային տեսուչ, հետո գյուղատնտեսության վարկավորման վարչությունում որպես տնտեսագետ, այնուհետև դրամաշրջանառության վարչությունում որպես ավագ տնտեսագետ։
1967-1969 թթ.՝ ԽՍՀՄ Պետբանկի հայկական գրասենյակի կառավարչի օգնական, 1969-1970 թթ.՝ ԽՍՀՄ Պետբանկի հայկական գրասենյակի Մյասնիկյանի շրջանի բանկի բաժանմունքի կառավարիչ, 1970-1976 թթ.՝ ԽՍՀՄ Պետբանկի հայկական գրասենյակի գյուղատնտեսության վարկավորման վարչության պետ, 1976-1978 թթ.՝ ԽՍՀՄ Պետբանկի հայկական գրասենյակի քաղաքային վարչության պետ, 1978-1988 թթ.՝ ԽՍՀՄ Պետբանկի հայկական գրասենյակի կառավարչի տեղակալ, 1988-1991 թթ.՝ ԽՍՀՄ Պետբանկի հայկական գրասենյակի կառավարիչ, 1991-1993 թթ.՝ ՀՀ ազգային բանկի նախագահ, 1993-1994 թթ.՝ ՀՀ կենտրոնական բանկի նախագահ, 1994 թվականից՝ ՀՀ կենտրոնական բանկի նախագահի խորհրդական[4]։ 1997 թվականից եղել է ՀՀ բանկերի Ճյուղային Արհմիության հոգաբարձուների խորհրդի նախագահ[5]։
Պարգևներ
խմբագրել- 2010 Հայաստանի Հանրապետության վարչապետի հուշամեդալ[6]
- 2013 Հայաստանի Հանրապետության վարչապետի հուշանվեր
Ծանոթագրություններ
խմբագրել- ↑ 1,0 1,1 1,2 Իսահակ Իսահակյան. Ուրիշի պահանջները Ձեզ չեն օգնի փոխվել
- ↑ 2,0 2,1 2,2 https://historygreatest.com/isahak-isahakyan-armenian-banker-died-at-83
- ↑ «84 տարեկանում մահացել է ՀՀ կենտրոնական բանկի առաջին նախագահ Իսահակ Իսահակյանը». armenpress.am. Վերցված է 2017 թ․ փետրվարի 16-ին.
- ↑ «Իսահակ Իսահակյան. Ուրիշի պահանջները Ձեզ չեն օգնի փոխվել». Արխիվացված է օրիգինալից 2014 թ․ նոյեմբերի 10-ին. Վերցված է 2014 թ․ նոյեմբերի 14-ին.
- ↑ Իսահակ Իսահակյան - ՃՀՄ Հոգաբարձուների Խորհրդի նախագահ
- ↑ Հուշամեդալ` Իսահակյանին